మునగాల, వెలుగు: భూమి అమ్మగా వచ్చిన డబ్బు ఫైర్ యాక్సిడెంట్లో కాలిపోవడంతో కష్టాల్లో చిక్కుకున్న రైతుకు సినీ డైరెక్టర్ శేఖర్ కమ్ముల రూ.లక్ష సాయం చేశారు. సూర్యాపేట జిల్లా మునగాల మండలం నేలమర్రికి చెందిన లక్ష్మయ్య భూమి అమ్మగా వచ్చిన డబ్బును ఇంట్లో దాచాడు. ఇటీవల ఇంట్లోని గ్యాస్ సిలిండర్ పేలి ఆ డబ్బు కాలిపోయింది. ఈ విషయం వీ6, వెలుగు పేపర్లో వచ్చిన కథనాల ద్వారా తెలుసుకున్న శేఖర్ కమ్ముల రూ.లక్ష సాయం అందించారు. మదర్ థెరిసా సోషల్ సర్వీస్ వ్యవస్థాపక అధ్యక్షుడు గొట్టిపర్తి శ్రీనివాస్ తన బృందంతో లక్ష్మయ్య కుటుంబ సభ్యులను పరామర్శించి, 25 కేజీల బియ్యం, నిత్యావసరాలు, రూ.500 అందించారు.
