టెన్త్, ఇంటర్ అర్హతతో హెడ్ కానిస్టేబుల్ పోస్టులు.. మహిళలకు కూడా ఛాన్స్.. వెంటనే అప్లయ్ చేసుకోండి..

కేంద్ర పాలిత ప్రాంతమైన ఢిల్లీలో హెడ్ కానిస్టేబుల్ (ఏడబ్ల్యూఓ/ టీపీఓ) పోస్టుల భర్తీకి స్టాఫ్ సెలెక్షన్ కమిషన్ నోటిఫికేషన్ విడుదల చేసింది. ఈ పోస్టులకు దేశంలోని అన్ని రాష్ట్రాల అభ్యర్థులు అర్హులు. ఆసక్తి, అర్హత గల అభ్యర్థులు ఆన్​లైన్ ద్వారా అప్లై చేయవచ్చు. అప్లికేషన్లు సమర్పించడానికి చివరి తేదీ అక్టోబర్ 15. 

పోస్టుల సంఖ్య: 552. 

పోస్టులు: హెడ్ కానిస్టేబుల్ (ఏడబ్ల్యూఓ/ టీపీఓ) పురుషులు 370, హెడ్ కానిస్టేబుల్ (ఏడబ్ల్యూఓ/ టీపీఓ) మహిళలు 182.

ఎలిజిబిలిటీ: గుర్తింపు పొందిన బోర్డు లేదా సంస్థ నుంచి సైన్స్, మ్యాథమెటిక్స్ సబ్జెక్టులతో 10+2 లేదా ఇంటర్మీడియట్​​లో ఉత్తీర్ణత సాధించి ఉండాలి. మెకానికల్ కం ఆపరేటర్ ఎలక్ట్రానిక్ కమ్యూనికేషన్ సిస్టమ్ ట్రేడుల్లో నేషనల్ ట్రేడ్ సర్టిఫికెట్(ఎన్ టీసీ) కలిగి ఉండాలి. 

ALSO READ : టెన్త్, ఇంటర్ తో కానిస్టేబుల్ పోస్టులు.. మొత్తం 737 ఖాళీలు.. డ్రైవింగ్ వస్తే చాలు..

వయోపరిమితి: 18 నుంచి 27 ఏండ్ల మధ్యలో ఉండాలి. 1998, జులై 02వ తేదీ నాటి కంటే ముందు గానీ, 2007, జులై 01వ తేదీ తర్వాత గానీ జన్మించిన వారై ఉండకూడదు. నిబంధనలను అనుసరించి సంబంధిత వర్గాలకు వయోపరిమితిలో సడలింపు ఉంటుంది.

అప్లికేషన్: ఆన్​లైన్ ద్వారా. 

అప్లికేషన్లు ప్రారంభం: సెప్టెంబర్ 24.  

లాస్ట్ డేట్: అక్టోబర్ 15. 

అప్లికేషన్ ఫీజు: ఎస్సీ, ఎస్టీ, ఎక్స్ సర్వీస్​మెన్, మహిళా అభ్యర్థులకు ఫీజు లేదు. ఇతరులకు రూ. 100.

సెలెక్షన్ ప్రాసెస్: కంప్యూటర్ బేస్డ్ ఎగ్జామినేషన్, ఫిజికల్ ఎండ్యురెన్స్ అండ్ మెజర్​మెంట్ టెస్ట్(పీఈ అండ్ ఎంటీ), ట్రేడ్ టెస్ట్, టైపింగ్, కంప్యూటర్ ఆపరేటింగ్ టెస్టు ద్వారా అభ్యర్థులను ఎంపిక చేస్తారు. 

కంప్యూటర్ బేస్డ్ ఎగ్జామినేషన్: 2025 డిసెంబర్/ 2026, జనవరి.

పూర్తి వివరాలకు ssc.gov.in వెబ్​సైట్​లో సంప్రదించగలరు.

ఎగ్జామ్ ప్యాటర్న్ : కంప్యూటర్ బేస్డ్ విధానంలో నిర్వహించే ఎగ్జామ్​లో మల్టిపుల్ చాయిస్ రూపంలో ప్రశ్నలు అడుగుతారు. క్వశ్చన్స్ ఇంగ్లిష్ లేదా హిందీ మాధ్యమంలో ఇస్తారు. మొత్తం 100 మార్కులకు ఎగ్జామ్ ఉంటుంది. పార్ట్–ఎలో జనరల్ అవేర్​నెస్ 20 ప్రశ్నలు 20 మార్కులకు, పార్ట్–బిలో జనరల్ సైన్స్ 25 ప్రశ్నలు 25 మార్కులకు, పార్ట్–సిలో మ్యాథమెటిక్స్ 25 ప్రశ్నలు 25 మార్కులకు, పార్ట్–డిలో రీజనింగ్ 20 ప్రశ్నలు 20 మార్కులకు, పార్ట్–ఈలో కంప్యూటర్ ఫండమెంటల్స్, ఎంఎస్ ఎక్సెల్, ఎంఎస్ వర్డ్, కమ్యూనికేషన్, ఇంటర్నెట్, వెబ్ బ్రౌజర్స్ తదితర కంప్యూటర్ పరిజ్ఞానంపై 10 ప్రశ్నలు 10 మార్కులకు ఇస్తారు. నెగెటివ్ మార్కులు ఉన్నాయి. ప్రతి తప్పుడు సమాధానానికి 0.25 మార్కులు కోత విధిస్తారు. 

టైపింగ్ టెస్టు: 15 నిమిషాల వ్యవధిలో 1000 ఇంగ్లిష్ పదాలను టైప్ చేయగలిగే సామర్థ్యం, కంప్యూటర్ అప్లికేషన్స్ పరిజ్ఞానం  పరిజ్ఞానం కలిగి ఉండాలి.