హైదరాబాద్, వెలుగు: రాష్ట్రంలో 2025–26 విద్యాసంవత్సరానికి గాను సురవరం ప్రతాపరెడ్డి తెలుగు యూనివర్సిటీలో ప్రవేశాల కోసం ఈ నెల 28,29 తేదీల్లో ఎంట్రెన్స్ ఎగ్జామ్స్ నిర్వహిస్తున్నట్టు వర్సిటీ ప్రకటించింది. బీఎఫ్ఏ, ఎంపీఏ డ్యాన్స్, ఎంపీఏ ఫోక్ ఆర్ట్స్ తదితర కోర్సుల్లో ప్రవేశాలకు 28న ఉదయం 11 గంటల నుంచి మధ్యాహ్నం12 గంటల వరకు, ఎంఏ హిస్టరీ, కల్చరల్అండ్ టూరిజం కోర్సు ఎగ్జామ్11 గంటల నుంచి మధ్యాహ్నం 12.30 గంటల వరకు ఉంటుంది.
ఈ నెల 29న ఎంఏ తెలుగు పరీక్ష ఉదయం 11 గంటల నుంచి 12.30 గంటల వరకు, ఎంఎఫ్ఏ కోర్సు ఎగ్జామ్11 గంటల నుంచి 12 గంటల వరకు, ఎంఏ కమ్యూనికేషన్ అండ్ జర్నలిజం కోర్సు ఎగ్జామ్ మధ్యాహ్నం 2 గంటల నుంచి 3.30గంటల వరకు ఉంటుందని అధికారులు ప్రకటించారు. పరీక్షలన్ని బాచుపల్లిలోని వర్సిటీ ఆవరణలో ఉంటాయని వెల్లడించారు. ఈ నెల 22 నుంచి www.pstucet.org వెబ్ సైట్ నుంచి హాల్ టికెట్లు డౌన్ లోడ్ చేసుకోవాలని అధికారులు సూచించారు.
