స్కూల్ ఎడ్యుకేషన్ డైరెక్టర్కు టీచర్ల జేఏసీ వినతి
హైదరాబాద్, వెలుగు: రాష్ట్రంలోని సర్కారు బడుల్లో పారిశుధ్య కార్మికులను నియమించుకోవాలని సర్కారు ఇచ్చిన ఉత్తర్వులకు అనుగుణంగా, తగిన నిధులు రిలీజ్ చేయాలని ఉపాధ్యాయ సంఘాల జేఏసీ(జాక్టో) ప్రభుత్వాన్ని కోరింది. శనివారం ఎస్టీయూ భవన్లో జాక్టో సమావేశం జరిగింది. అనంతరం స్కూల్ ఎడ్యుకేషన్ డైరెక్టర్ ఈవీ నర్సింహారెడ్డిని జాక్టో నేతలు సదానందంగౌడ్, పర్వత్ రెడ్డి (ఎస్టీయూ), కె.కృష్ణుడు(బీసీటీఏ), చెన్నయ్య(టీపీఆర్టీయూ), చైతన్య (బీటీఏ), హేమచంద్రుడు(హెచ్ఎంఏ) తదితరులు కలిసి వినతిపత్రం అందించారు. ప్రైమరీ స్కూళ్లలో ఒక పీరియడ్ తగ్గించి మధ్యాహ్నం 3:30 గంటలకే క్లోజింగ్ టైమ్ మార్చాలని కోరారు. టీచర్ల బదిలీలు, ప్రమోషన్లలో జరిగిన తప్పిదాలపై వచ్చిన అప్పీళ్లన్నింటినీ వెంటనే పరిష్కరించాలని కోరారు. బదిలీ అయిన టీచర్లందరినీ రిలీవ్ చేయాలని, ప్రైమరీ స్కూళ్లలో క్లాసురూమ్ కు ఒక టీచర్ ను నియమించాలని విజ్ఞప్తి చేశారు.
