ఇబ్రహీంపట్నం, వెలుగు: సమ్మె కారణంగా కార్పొరేట్ హాస్పిటళ్లు ట్రీట్మెంట్చేసేందుకు నిరాకరిస్తుండడంతో ఆర్టీసీ కార్మికులు ప్రాణాలు కోల్పోవాల్సి వస్తోంది. వికారాబాద్ జిల్లా తాండూరు డిపోలో ఆర్టీసీ డ్రైవర్గా విధులు నిర్వహించే కంబాలపల్లి జంగయ్య(41) మూడు నెలల క్రితం ఖమ్మం జిల్లాలో ఎదురెదురుగా బస్సులు ఢీ కొన్న ప్రమాదంలో తీవ్రంగా గాయపడ్డాడు. కోమాలోకి వెళ్లడంతో నగరంలోని కార్పొరేట్ హాస్పిటల్లో చేర్పించారు. నెలరోజులకు కోలుకున్నాడు. నెల రోజులుగా రంగారెడ్డి జిల్లా ఇబ్రహీంపట్నం మండలం పోల్కంపల్లి ఇంట్లో మంచంపైనే ట్రీట్మెంట్అందిస్తున్నారు. రెండు రోజుల క్రితం జంగయ్య ఆరోగ్యం క్షీణించడంతో ఆర్టీసీ ఆసుపత్రికి కుటుంబసభ్యులు తరలించారు. గతంలో చికిత్స చేయించిన హాస్పిటల్కు తీసుకెళ్లాలని అక్కడ సూచించారు. ఆ కార్పొరేట్ హాస్పిటల్కు తరలించగా ట్రీట్మెంట్చేయడానికి నిరాకరించారు. గత్యంతరం లేక గాంధీ హాస్పిటల్కు తీసుకెళ్లారు. పరిస్థితి విషమించడంతో ఆదివారం ఉదయం జంగయ్య మృతిచెందాడు. తొమ్మిదేళ్లుగా డ్రైవర్గా చేస్తున్నాడని, కార్పొరేట్హాస్పిటల్లో చేర్చుకోకపోవడం వల్లే మృతిచెందాడని కుటుంబసభ్యులు ఆరోపించారు. మృతుడికి భార్య స్వప్న, ఇద్దరు కొడుకులు, ఒక కూతురు ఉన్నారు.
