న్యూఢిల్లీ: చైనా ప్రొడక్ట్లకు చెక్ పెట్టే దిశగా కేంద్ర ప్రభుత్వం అడుగులు వేస్తోంది. లోకల్, ఫారిన్ వస్తువులకు సెపరేట్ కలర్కోడ్ను అమలు చేయాలని భావిస్తోంది. వెజిటేరియన్ ఫుడ్కు గ్రీన్, నాన్ వెజిటేరియన్ ఫుడ్కు రెడ్ కలర్ను వాడుతున్నట్టుగానే వీటికి ప్రత్యేకమైన రంగులను వినియోగించే దిశగా చర్యలు తీసుకుంటోంది. మేడిన్ ఇండియా గూడ్స్కు ఆరెంజ్ లేదా కాషాయం రంగులను అమలు చేసే అవకాశం ఉంది. చాలా మంది కస్టమర్లు సోర్స్ ఆఫ్ ది ప్రొడక్ట్ గురించి తెలుసుకునే అవకాశాలు తక్కువగా ఉన్నాయని, కలర్ కోడ్ విషయంపై ప్రభుత్వంలో చర్చ జరిగిందని ప్రభుత్వ వర్గాలు తెలిపాయి. అయితే ఈ గైడ్ లైన్స్కు మరింత మార్పులు చేయాల్సిన అవసరం ఉందని చెప్పాయి. అలాగే తమ ప్లాట్ఫాంపై అమ్మే వస్తువుల సోర్స్ను వెల్లడించాలంటూ ఈ కామర్స్ సంస్థలకు ప్రత్యేకంగా ఆదేశాలు జారీ చేసింది. లోకల్గా వాల్యూ ఎడిషన్లు చేసినట్లయితే వాటి వివరాలను జత చేయాలని సూచించింది. గవర్నమెంట్ ఈమార్కెట్ప్లేస్(జీఈఎం) ఈ వివరాలను వెల్లడించడాన్ని తప్పనిసరి చేయాలని ప్రభుత్వానికి ప్రతిపాదించింది.
ఆత్మనిర్భర్ భారత్లో భాగంగా..
‘‘ఆత్మ నిర్భర్ భారత్లో భాగంగా జీఈఎం పలు కీలక చర్యలు తీసుకుంది. జీఈఎంలో రిజిస్టరింగ్ చేసుకునే టైంలో అన్ని ప్రొడక్ట్లకు సంబంధించిన కంట్రీ ఆఫ్ ఆరిజన్ను సెల్లర్స్కు మ్యాండేటరీ చేసింది. ఈ కొత్త ఫీచర్లు అందుబాటులోకి రాకముందే తమ ప్రొడక్ట్లను అప్లోడ్ చేసిన సెల్లర్లు కూడా వాటి ఆరిజన్ను రెగ్యులర్గా అప్డేట్ చేయాలని ఆదేశించింది. ఒకవేళ ఈ విషయంలో ఆ సంస్థలు ఫెయిల్ అయితే వాటి ప్రొడక్ట్లను జీఈఎం నుంచి తొలగిస్తాం”అని జీఈఎం ఒక ప్రకటనలో పేర్కొంది. రాబోయే రోజుల్లో అమెజాన్, ఫ్లిఫ్కార్ట్, పేటీఎం మాల్ వంటి ఈ–టెల్లర్స్ వంటి సంస్థలు కూడా ఈ డిస్క్లోజుర్ నిబంధనలను ఫాలో కావాలని స్పష్టం చేసింది. ప్రతిపాదిత ఈ కామర్స్ పాలసీలో కూడా గతంలో ఇవే ప్రపోజల్స్ను అమలు చేశారు. తక్కువ రేటు కలిగిన వస్తువులను అమ్మేందుకు ఈ సంస్థలు చైనా కంపెనీలపై ఆధారపడుతున్నాయని, లోకల్ వస్తువులకు ప్రోత్సాహం కల్పించేందుకు, వాటికి మార్కెట్ కల్పించేందుకు ఈ నిర్ణయం తీసుకున్నట్టు ఓ అధికారి తెలిపారు.
ఇప్పుటికిప్పుడు అమలు కష్టం
ఆన్లైన్ కంపెనీల ఎగ్జిక్యుటివ్స్ మాత్రం ప్రస్తుతం ఆన్లైన్లో పెట్టిన కోట్లాది వస్తువులకు దీనిని వర్తింప చేయడం తమకు కుదరని పని అని చెబుతున్నారు. అలాగే వాల్యూ ఎడిషన్ గురించి డిస్క్లోజ్ చేసే అవసరం రాబోదని అంటున్నారు. ‘‘మీరు ఓ టీవీ సెట్ లేదా మొబైల్ ఫోన్ను కొంటే.. అందులోని వస్తువులు ఫారిన్ నుంచి ఇంపోర్ట్ చేసుకోవాల్సి ఉంటుంది. వాటిని ఇక్కడ అసెంబిల్డ్ చేస్తే మేడిన్ ఇండియా స్టిక్కర్ ఉంటుంది. అలాంటప్పుడు వాల్యూ ఎడిషన్ గురించి మనం ఎలా ప్రస్తావించగలం”అని ఓ ఎగ్జిక్యూటివ్ ప్రశ్నించారు.
.
.
