హైదరాబాద్, వెలుగు: ఎన్నికల కోడ్ ను పాటించరా అంటూ రాష్ట్ర ప్రభుత్వ తీరుపై ఈసీ ఆగ్రహం వ్యక్తం చేసింది. స్థానిక సంస్థల ఎమ్మెల్సీ ఎన్నికలకోడ్ఉండగా మున్సిపల్ కార్పొరేషన్లు, మున్సిపాలిటీల ప్రజాప్రతినిధుల గౌరవ వేతనాలను 30% పెంచుతూ ఉత్తర్వులెలా ఇస్తారని ప్రభుత్వ ప్రధాన కార్యదర్శి సోమేశ్ కుమార్, మున్సిపల్శాఖ స్పెషల్సీఎస్ అరవింద్కుమార్లను ప్రశ్నించినట్టు తెలిసింది. సీఈఓ శశాంక్ గోయల్నవంబర్19న చేసిన ఫిర్యాదు ఆధారంగా ఈసీ తాజాగా ఈ మేరకు వారికి లెటర్ రాసింది. ఉత్తర్వులను ఒక్కరోజులోనే వెనక్కు తీసుకున్నా, స్థానిక సంస్థల్లో ఓటర్లయిన మేయర్లు, చైర్పర్సన్లు, కార్పొరేటర్లు, కౌన్సిలర్లకు పెంపు విషయం చేరడం వారిని ప్రలోభానికి గురి చేసేలానే ఉందని ఈసీ అభిప్రాయపడినట్లు తెలిసింది.
కోడ్ అమలులో ప్రభుత్వం సీరియస్గా ఉండాలని సీఎస్ కు చెప్పడంతో పాటు అరవింద్ కుమార్, మున్సిపల్ సెక్రటరీ సుదర్శన్రెడ్డిలను హెచ్చరించాలని ఆదేశించినట్టు సమాచారం. కార్పొరేటర్లు, కౌన్సిలర్ల జీతాలు పెంచుతూ నవంబర్18న ప్రభుత్వం ఉత్తర్వులివ్వడం, దాన్ని మర్నాడే వెనక్కు తీసుకోవడం తెలిసిందే. 10న స్థానిక సంస్థల కోటా ఎమ్మెల్సీ ఎన్నిక జరుగుతోంది. 14న ఓట్ల లెక్కింపు పూర్తయేదాకా ఎన్నికలు జరిగే ప్రాంతాల్లో కోడ్అమల్లో ఉంటుంది.