ములుగు, వెలుగు: ఉరేసుకుని ఓ యువకుడు ఆత్మహత్య చేసుకున్నాడు. పోలీసులు తెలిపిన వివరాల ప్రకారం.. ములుగు పట్టణానికి చెందిన బరుపాటి సాయిసూర్య(28) తన అన్నతో కలిసి ములుగులో జిరాక్స్సెంటర్నిర్వహిస్తున్నాడు. బండారుపల్లికి చెందిన గూడెపు మౌనిక అనే యువతి సాయిసూర్య తనను ప్రేమించి మోసం చేశాడని ఆరోపిస్తూ ఇంటి ముందు నెల రోజులపాటు దీక్ష చేపట్టింది. ఈ విషయంపై పోలీసులు సాయిసూర్య, అతని తల్లి, అన్నలపై ఎస్సీ, ఎస్టీ అట్రాసిటీ కేసు పెట్టారు. జైలుకు వెళ్లినవారు ఇటీవలే బెయిల్పై వచ్చారు. దీంతో ఆవేదనకు గురైన సాయిసూర్య శుక్రవారం ఉదయం తమ పాత ఇంటి వద్ద ఎవరూ లేని సమయంలో ఉరి వేసుకున్నాడు. తన చావుకు మౌనికతోపాటు ఆమె తల్లి లక్ష్మి, మరో వ్యక్తి భిక్షపతి కారణమని సూసైడ్ నోట్లో పేర్కొన్నాడు.
