మాజీ మంత్రి తుమ్మల నాగేశ్వరరావుతో టీపీసీపీ చీఫ్ రేవంత్ రెడ్డి భేటీ అయ్యారు. ఈ సందర్భంగా తుమ్మలను.. రేవంత్ పార్టీలోకి అహ్వానించారు. బీఆర్ఎస్ నుంచి పాలేరు టికెట్ ఆశించి భంగపడ్డ తుమ్మల..కాంగ్రెస్ లోకి వెళ్తరంటూ జోరుగా ప్రచారం నడుస్తోంది. ఈ క్రమంలో వీరి భేటీ ఆసకక్తికరంగా మారింది. ఈ భేటీలో కాంగ్రెస్ నేతలు సుదర్శన్ రెడ్డి, మల్లు రవి ఇతర నేతలు ఉన్నారు. తుమ్మల కాంగ్రెస్ లోకి ఎప్పుడు వెళ్తారన్నది క్లారిటీ రావాల్సి ఉంది.
తాను పాలేరు నుంచే పోటీ చేస్తానని తుమ్మల చెబుతూ వస్తున్నారు. బీఆర్ఎస్ లిస్ట్ ప్రకటించిన తర్వాత కూడా ఆయన అదే మాటపై ఉన్నారు. అయితే కాంగ్రెస్‌లో చేరితే ఖమ్మం నుంచి పోటీ చేయాలని ఆ పార్టీ ముఖ్య నేతలు ఆయనకు సూచించనున్నట్టు తెలుస్తున్నది. పాలేరు నుంచి మాజీ ఎంపీ పొంగులేటి శ్రీనివాస్ రెడ్డిని బరిలోకి దింపాలని భావిస్తున్నారు.
ఈ నేపథ్యంలో పాలేరు నుంచి పోటీకి పొంగులేటి సిద్ధంగా ఉన్నా, తుమ్మల మాత్రం ఖమ్మం నుంచి పోటీకి రెడీగా లేరని అంటున్నారు. మరోవైపు వైఎస్ఆర్టీపీ కాంగ్రెస్‌లో విలీనమైతే షర్మిల కూడా పాలేరు సీటు కోసం పట్టుబట్టే అవకాశం ఉంది. అందుకే తుమ్మలకు ఖమ్మం సీటు ఆఫర్ చేయడానికి కారణమన్న చర్చ నడుస్తున్నది.
