మరిపెడ(చిన్న గూడూరు), వెలుగు: మహబూబాబాద్ జిల్లా చిన్న గూడూరు మండలంలో నిర్మించిన 100 డబుల్ బెడ్ రూమ్ ఇండ్ల కోసం డబ్బులు చెల్లించిన బాధితులు ఒక్కొక్కరుగా బయటికి వస్తున్నారు. బీఆర్ఎస్ లీడర్లను నమ్మి మోసపోయామంటూ స్థానిక పోలీస్ స్టేషన్ లో ఫిర్యాదు చేస్తున్నారు. ‘డబుల్ఇండ్లు ఇప్పిస్తమని ఒక్క ఊర్లనే రూ.2కోట్లు వసూలు’ పేరుతో బుధవారం ‘వెలుగు’లో స్టోరీ పబ్లిష్అయింది. దాన్ని చూసిన బాధితులు డబ్బు చెల్లించిన ఆధారాలతో పోలీసులను ఆశ్రయిస్తున్నారు. గురువారం ఉదయం చిన్నగూడూరు గ్రామానికి చెందిన వేముల దుర్గమ్మ అనే మహిళ మహిళ చిన్నగూడూరు పోలీస్ స్టేషన్ లో ఫిర్యాదు చేసింది. బీఆర్ఎస్లీడర్ ధారా సింగ్ కు తాను డబుల్బెడ్రూమ్ఇల్లు కోసం రూ.1,65,000 ఇచ్చానని చెప్పింది. ఫోన్ పే స్క్రీన్షాట్లను పోలీసులకు అందజేసింది. ఇల్లు ఇవ్వకుంటే, తన డబ్బులు వాపస్ ఇప్పించాలని కోరింది.
