సహకార విద్యుత్ సంస్థల పాలకవర్గ ఎన్నికల పోలింగ్ కొనసాగుతోంది. అయితే చందుర్తి మండలం నర్సింగాపూర్లో ఓ మహిళ ఓటు వేయనంటూ నిరసన తెలిపింది. ఊరిలో అందరికి ఓటు పైసలిచ్చి తనకు మాత్రం ఇయ్యలేదని ఆగ్రహం వ్యక్తంచేసింది. పైసలిస్తే కానీ ఓటు వేయనని తెగేసి చెప్పింది.
ఉదయం 8 గంటలకు ప్రారంభమైన సెస్ ఎన్నికల పోలింగ్ సాయంత్రం 5 గంటల వరకు కొనసాగనుంది. సెస్ పరిధిలో 87,130 మంది ఓటర్లు ఉన్నారు. మొత్తం 15 డైరెక్టర్ స్థానాలకు ప్రధాన పార్టీలతో పాటు ఇండిపెండెంట్లు, రెబెల్స్ కలిపి 75 మంది అభ్యర్థులు పోటీ పడుతున్నారు. 750 మంది ఎన్నికల సిబ్బంది, 15 మంది రూట్ ఆఫీసర్లు విధుల్లో ఉన్నారు. 1100 మంది పోలీసులతో బందోబస్తు ఏర్పాటు చేశారు.
