ఐఏఎఫ్‌ వింగ్‌ కమాండర్‌ అభినందన్ వర్ధమాన్‌కు అరుదైన గౌరవం దక్కింది. స్వాతంత్ర్య దినోత్సవం సందర్భంగా కేంద్ర ప్రభుత్వం రేపు ఆయన్ను వీర్ చక్ర పురస్కారంతో సత్కరించనుంది.
ఫిబ్రవరి 27న బాలాకోట్ దాడుల్లో పాల్లోన్న అభినందన్ పాకిస్థాన్ కు చెందిన ఎఫ్‌-16 ఫైటర్‌ జెట్‌ను కూల్చి వేశాడు. ఆ తర్వాత తన విమానం మిగ్-21 లో సాంకేతిక లోపం రావడంతో పారాచ్యూట్ సాయంతో పాక్ లో ల్యాండయ్యాడు. అది గమనించిన పాక్ ఆర్మీ అతన్ని బంధించింది. ఆ తర్వాత అతని విడుదల కోసం భారత్ పాక్ పై ఒత్తిడి పెంచడంతో.. వియన్నా ఒప్పంతం ప్రకారం.. వింగ్‌ కమాండర్‌ను ఇండియాకు అప్పగించింది పాకిస్థాన్. శత్రు దేశంలో ఉన్నా కూడా అత్యంత ధైర్య సాహసాలు ప్రదర్శించినందుకు గానూ భారత ప్రభుత్వ అభినందన్ కు ఈ పురస్కారాన్ని ప్రధానం చేయనుంది.
