- డెడ్బాడీతో హుజూరాబాద్లో మృతురాలి బంధువుల ఆందోళన
హుజూరాబాద్, వెలుగు: హుజూరాబాద్బై ఎలక్షన్స్కు ముందు జరిగిన దళితబంధు మీటింగుకు వెళ్తూ రోడ్డు ప్రమాదంలో గాయపడిన మరో మహిళ మృతి చెందింది. ప్రభుత్వ మీటింగుకు వెళ్తూ గాయపడితే కేసీఆర్ ప్రభుత్వం కనీసం పట్టించుకోలేదని డెడ్బాడీతో మృతురాలి బంధువులు సోమవారం రాత్రి హుజూరాబాద్లో ఆందోళనకు దిగారు. టీఆర్ఎస్ పార్టీ లీడర్లు అక్టోబర్ 26న శాలపల్లి గ్రామానికి చెందిన 20 మంది మహిళలను దళిత బంధు మీటింగుకు అని చెప్పి తీసుకెళ్లారు. రాజపల్లి శివారులో మహిళలు ప్రయాణిస్తున్న ఆటో ట్రాలీని వెనుక నుంచి ఓ లారీ ఢీకొట్టింది. ఈ ప్రమాదంలో 20 మహిళలు గాయపడ్డారు. 18 మందిని హుటాహుటిన హనుకొండలోని ఓ ప్రైవేటు ఆసుపత్రికి తరలించగా రెండు రోజులకు నెల్లి స్వరూప అనే మహిళ మృతి చెందింది. అధికార పార్టీ లీడర్లు బాధితులను సరిగా పట్టించుకోలేదనే ఆరోపణలు రావడంతో మంత్రి గంగుల కమలాకర్, ఎంపీ లక్ష్మీకాంతరావు, టీఆర్ఎస్అభ్యర్థి గెల్లు శ్రీనివాస్పూర్తిస్థాయిలో ఆదుకుంటామని, మెరుగైన వైద్యం అందిస్తామని హామీ ఇచ్చారు. కానీ తమకు ఆరోగ్యశ్రీ ద్వారా మాత్రమే ట్రీట్మెంట్చేయించారని బాధితులు ఆవేదన వ్యక్తం చేశారు. కాగా ఆదివారం సాయంత్రం అదే ప్రమాదంలో గాయపడిన వంతడుపుల రాజేశ్వరి మృతి చెందగా ఫార్మాలిటీస్ పూర్తిచేసి సోమవారం బంధువులకు డెడ్బాడీ అప్పగించారు. గాయపడిన మరో మహిళ చనిపోయినా టీఆర్ఎస్ లీడర్లలో చలనం లేదని, ఆదుకుంటామని చెప్పి లీడర్లు పట్టించుకోవట్లేదని డెడ్బాడీతో మృతురాలి బంధువులు సోమవారం రాత్రి హుజూరాబాద్ సూపర్బజార్ చౌరస్తాలో ఆందోళన చేశారు. విషయం తెలుసుకున్న సీఐ శ్రీనివాస్ అక్కడికి చేరుకొని వారికి సర్దిచెప్పారు. మృతుల కుటుంబాలను ఆదుకోవాలని బాధితులు డిమాండ్ చేశారు.
