యాదాద్రి, వెలుగు : యాదాద్రి జిల్లా డిస్ట్రిక్ ట్రాన్స్పోర్ట్ ఆఫీసర్ వై సురేందర్ రెడ్డి ఏసీబీకి చిక్కారు. ఆయన తరపున పని చేస్తున్న ఏజెంట్లు కూడా ఇందులో భాగస్వాములు కావడంతో వారిని అదుపులోకి తీసుకున్నారు. ఏసీబీ నల్గొండ డీఎస్పీ శ్రీనివాసరావు కథనం ప్రకారం...జిల్లాలోని భూదాన్ పోచంపల్లి మండలం కప్రాయిపల్లికి చెందిన ప్రవీణ్కుమార్ తన వెహికల్నేషనల్పర్మిట్క్యాన్సిల్ చేయడం కోసం స్లాట్బుక్ చేసుకున్నాడు. అందులో భాగంగా ఈ నెల 2న
భువనగిరిలోని ఆర్టీవో ఆఫీసుకు వెళ్లారు. తమకు రూ. 12 వేలు ఇస్తేనే పర్మిట్ క్యాన్సిల్ చేస్తామని డీటీవో సురేందర్రెడ్డి, ఆయన పర్సనల్ అసిస్టెంట్మల్లికార్జున్ స్పష్టం చేశారు.
కొద్దిరోజులు ఆగి మళ్లీ ఆర్టీవో ఆఫీసుకు వెళ్లగా డీటీవో సురేందర్ రెడ్డి రూ.5 వేలకు ఒక్క పైసా తగ్గేది లేదని చెప్పాడు. దీంతో ప్రవీణ్నల్గొండ ఏసీబీ అధికారులను కలిశాడు. వారి సూచనల మేరకు శుక్రవారం ప్రవీణ్ డబ్బులతో ఆర్టీవో ఆఫీసుకు వెళ్లి మల్లికార్జున్ను కలిశాడు. అతడు చెప్పిన ప్రకారం డబ్బులను ఏజెంట్ సురేశ్కు ఇచ్చాడు. సురేశ్ఆ డబ్బులను మరో ఏజెంట్అనిల్తో కలిసి డీటీవో సురేందర్రెడ్డికి ఇస్తుండగా అక్కడే మాటు వేసిన ఏసీబీ పట్టుకుంది.
రూ. 29 వేలను స్వాధీనం చేసుకొని డీటీవో సురేందర్రెడ్డి, ఏజెంట్లు సురేశ్, అనిల్ను అదుపులోకి తీసుకున్నారు. మల్లికార్జున్ పరారీలో ఉన్నాడని డీఎస్పీ శ్రీనివాసరావు తెలిపారు. హైదరాబాద్లోని సురేందర్రెడ్డి ఇంట్లోనూ సోదాలు నిర్వహించినట్టు చెప్పారు. డీటీవో, ఏజెంట్లను హైదరాబాద్లోని ఎస్పీఈ, ఏసీబీ స్పెషల్జడ్జి ఎదుట హాజరుపరుస్తామని డీఎస్పీ తెలిపారు. ఎవరైనా లంచం డిమాండ్ చేస్తే తమ టోల్ ఫ్రీ నెంబర్ 1064కు ఫిర్యాదు చేయాలని సూచించారు.
