ముషీరాబాద్, వెలుగు : పరిశ్రమలు ఆవిష్కరణల ఆధారిత రంగాల్లో తెలంగాణ పురోగమిస్తోందని మంత్రి శ్రీధర్ బాబు అన్నారు. బుధవారం ఆర్టీసీ కల్యాణ మండపంలో మలబార్ గోల్డ్ అండ్ డైమండ్స్ సీఎస్ఆర్ స్కాలర్షిప్కార్యక్రమాన్ని మంత్రి ప్రారంభించారు. రాష్ట్రంలోని 5,050 మంది విద్యార్థులకు రూ.4.55 కోట్ల విలువైన స్కాలర్షిప్లను పంపిణీ చేశారు.
మంత్రి మాట్లాడుతూ పేద విద్యార్థుల చదువుకు డబ్బు సమస్య అడ్డంకి కాకూడదని సీఎం రేవంత్ రెడ్డి చర్యలు తీసుకుంటున్నారని తెలిపారు. సీఎస్ఆర్లో భాగంగా మరిన్ని కార్పొరేట్ సంస్థలు భాగస్వాములు కావాలని కోరారు. మలబార్ గ్రూప్ చైర్మన్ అహ్మద్, ఆషర్, సిరాజ్, ఇళమ్ గోవన్, షరీజ్ పాల్గొన్నారు.
