ముషీరాబాద్, వెలుగు: బాగ్ లింగంపల్లిలోని డాక్టర్ బి.ఆర్. అంబేద్కర్ కాలేజీలో మంగళవారం ఎన్సీసీ డే వేడుకలు ఘనంగా జరిగాయి. ఈ సందర్భంగా ఎన్సీసీ విద్యార్థులు చేసిన ఎన్సీసీ పరేడ్, సాంస్కృతిక కార్యక్రమాలు ఆకట్టుకున్నాయి. కాలేజీ సీఈవో ప్రొఫెసర్ లింబాద్రి హాజరై ఎన్సీసీ క్యాండిడేట్స్కు మెడల్స్, సర్టిఫికెట్లను అందజేశారు. అనంతరం మాట్లాడుతూ.. విద్యార్థులు క్రమశిక్షణ, దేశభక్తి, నాయకత్వ లక్షణాలను అలవర్చుకోవడంలో ఎన్సీసీ కీలక పాత్ర పోషిస్తుందని తెలిపారు.
విద్యార్థులు ఎన్సీసీ ద్వారా పొందిన శిక్షణను జీవితంలో సద్వినియోగం చేసుకోవాలని సూచించారు. ఈ కార్యక్రమంలో డైరెక్టర్ ప్రొఫెసర్ యాదగిరి, ప్రిన్సిపాల్ డాక్టర్ శేఖర్, ఎన్సీసీ అధికారి కిరణ్ కుమార్ తో పాటు ఎన్సీసీ విద్యార్థులు, అధ్యాపకులు పాల్గొన్నారు.
