- మంత్రి అజారుద్దీన్ను కోరిన ఎమ్మెల్యే
షాద్ నగర్, వెలుగు: కొత్తూరులోని జహంగీర్ పీర్ దర్గా అభివృద్ధికి మరిన్ని అదనపు నిధులు మంజూరు చేయాలని మైనారిటీ సంక్షేమ శాఖ మంత్రి మహ్మద్ అజారుద్దీన్ను ఎమ్మెల్యే వీర్లపల్లి శంకర్ కోరారు. గురువారం హైదరాబాద్లో మంత్రిని ఆయన కలిశారు.
ప్రస్తుతం రూ. 12 కోట్ల హెచ్ఎండీఏ నిధులతో దర్గా అభివృద్ధి పనులు జరుగుతున్నాయని, వీటికి అదనంగా మరో రూ. 8 కోట్లు కేటాయించాలని విన్నవించారు. దీనిపై సానుకూలంగా స్పందించిన మంత్రి.. ప్రభుత్వం ప్రత్యేక ప్రణాళికతో దర్గాను సమగ్రంగా అభివృద్ధి చేస్తుందని హామీ ఇచ్చారు.
