- మల్కాజిగిరి పార్లమెంట్ స్థానానికి బండ్ల గణేశ్ దరఖాస్తు
- ఖమ్మం, సికింద్రాబాద్ స్థానాలకు మాజీ డీహెచ్ గడల శ్రీనివాస్ అప్లై
హైదరాబాద్, వెలుగు: కాంగ్రెస్ పార్టీ నుంచి లోక్సభ టికెట్ ఆశిస్తున్న వారి సంఖ్య రోజురోజుకు పెరుగుతున్నది. శుక్రవారం ఒక్కరోజే వంద మంది ఆశావహులు లోక్సభ టికెట్ కోసం దరఖాస్తు చేసుకున్నారు. దీంతో ఇప్పటిదాకా అప్లై చేసుకున్న వారి సంఖ్య 141కి చేరింది. మహబూబ్నగర్, నాగర్కర్నూల్, వరంగల్, పెద్దపల్లి నియోజకవర్గాలకు అధికంగా దరఖాస్తులు అందాయి. హైదరాబాద్కు అతి తక్కువ దరఖాస్తులు వచ్చాయి.
మల్కాజిగిరి పార్లమెంట్ స్థానానికి బండ్ల గణేశ్, నాగర్ కర్నూల్ లోక్సభ స్థానానికి సంపత్ కుమార్, ఖమ్మం, సికింద్రాబాద్ స్థానాలకు మాజీ హెల్త్ డైరెక్టర్గడల శ్రీనివాస రావు, కరీంనగర్ పార్లమెంట్ స్థానానికి వెలిచాల రాజేందర్ రావు, ఖమ్మం స్థానానికి వీవీసీ గ్రూప్స్ అధినేత రాజేంద్రపస్రాద్అప్లికేషన్ ఇచ్చారు. ఇన్నాళ్లూ బీఆర్ఎస్ సానుభూతిపరుడిగా ఉన్న గడల శ్రీనివాస రావు.. త్వరలో కాంగ్రెస్ పార్టీలో చేరుతారని తెలుస్తున్నది.
