తిరుచిరాపల్లిలోని అంతర్జాతీయ విమానాశ్రయంలో చాక్లెట్ పౌడర్ రూపంలో ఉన్న 211 గ్రాముల బంగారాన్ని కస్టమ్స్ అధికారులు స్వాధీనం చేసుకున్నారు. దీని విలువ దాదాపు రూ.21.55 లక్షల విలువ కలదిగా అధికారులు తెలిపారు. ఎయిరిండియా విమానంలో దుబాయ్ నుంచి వచ్చిన ఓ ప్రయాణికుడిని అధికారులు తనిఖీ చేశారు. అయితే అతని నుంచి చాక్లెట్ పౌడర్ లో బంగారం పౌడర్ ను కలిపి మూడు చాక్లెట్ పౌడర్ డబ్బాలను అధికారులు చాకచక్యంగా పట్టుకున్నారు.
ఈ ఘటనలో 211 గ్రాముల 24 క్యారెట్ల స్వచ్ఛమైన బంగారాన్ని కస్టమ్స్ అధికారులు స్వాధీనం చేసుకున్నారు. వీటితో పాటు ప్రయాణికుడి చెక్ ఇన్ బ్యాగేజీ నుంచి 175 గ్రాముల బంగారు గొలుసులు కూడా గుర్తించామని అధికారులు తెలిపారు. ఈ రికవరీ చేసిన మొత్తం బంగారం విలువ దాదాపు రూ.21.55లక్షలు ఉంటుందని చెప్పారు.
