ఆహారపదార్ధాలను విదేశాలకు ఎగుమతి చేసే విషయంలో భారతదేశం కీలక నిర్ణయం తీసుకుంది. మాల్దీవులకు గుడ్లు, బంగాళదుంపలు, ఉల్లిపాయలు, బియ్యం, గోధుమ పిండి, చక్కెర ,పప్పులు వంటి వాటిని ఎగుమతి చేసేందుకు భారత ప్రభుత్వం అనుమతి ఇచ్చింది. భారతదేశం -..మాల్దీవులతో వాణిజ్య సంబంధాల విషయంలో గణనీయమైన అభివృద్ధిని సాధించింది. వీటితో భవన నిర్మాణ సామాగ్రిని కూడా ఎగుమతి చేయాలని నిర్ణయం తీసుకుంది. కంకర రాయి.. ఇసుకను మాల్దీవుల ప్రభుత్వం అభ్యర్థన మేరకు పంపేందుకు ఇరు దేశాల మధ్య ద్వైపాక్షిక వాణిజ్య ఒప్పందం ప్రకారం 2024–25 ఆర్దిక సంవత్సరానికి ఎగుమతి చేయనుంది.
మాల్దీవుల ప్రభుత్వం చేసిన అభ్యర్థనకు ప్రతిస్పందిస్తూ మాల్దీవులకు అవసరమైన వస్తువుల కోసం భారతదేశం అత్యధిక ఎగుమతి కోటాలను మంజూరు చేసింది. 2024–25 సంవత్సరానికి వివిధ వస్తువుల కోటాలు గణనీయంగా పెంచబడ్డాయి, ఇది రెండు దేశాల మధ్య దీర్ఘకాల వాణిజ్య సంబంధాలను మెరుగుపరుస్తుంది.
భారత ప్రభుత్వం మాల్దీవులకు42 కోట్ల75 లక్షల36 వేల 904 గుడ్లను ఎగుమతి చేయడానికి అనుమతి ఇచ్చింది. బంగాళాదుంపను 21 వేల 513టన్నులు మాల్దీవులకు పంపాలని నిర్ణయించింది. ఉల్లి ఎగుమతికి 35వేల 749 టన్నులు, బియ్యం ఎగుమతికి లక్షా 24 వేల 218టన్నులు, గోధుమ పిండి ఎగుమతికి లక్షా 9 వేల 162 టన్నులు, చక్కెర ఎగుమతికి 64 వేల 494 టన్నులు, పప్పు ఎగుమతికి 224 టన్నుల పరిమితిని విధించింది.
మాల్దీవులలోని హైకమిషన్ ఆఫ్ ఇండియా ప్రకారం, 1981లో ఈ ఏర్పాటును ప్రారంభించినప్పటి ఎక్కువుగా ఎగుమతి చేస్తుంది. మాల్దీవుల్లో భవనాలను నిర్మించుకొనేందుకు కావలసిన ఇసుక, రాతి కంకర ఎగుమతి 25% నుండి 1,000,000 మెట్రిక్ టన్నులకు (MT) పెంచబడ్డాయి. అదనంగా, గుడ్లు, బంగాళదుంపలు, ఉల్లిపాయలు, చక్కెర, బియ్యం, గోధుమ పిండి మరియు పప్పు (పప్పులు) కోసం కోటాలలో 5% పెరుగుదల ఉంది.
గత సంవత్సరం (2023) భారతదేశం నుండి కొన్ని వస్తువుల ఎగుమతిపై ప్రపంచ ఆంక్షలు ఉన్నప్పటికీ, భారతదేశం మాల్దీవులకు బియ్యం, చక్కెర , ఉల్లిపాయలను సరఫరా చేస్తూనే ఉంది, దాని 'నైబర్‌హుడ్ ఫస్ట్' విధానం ప్రకారం మాల్దీవులలో మానవ కేంద్రీకృత అభివృద్ధికి మద్దతు ఇచ్చేందుకు కావలసిన చర్యలు భారత ప్రభుత్వం తీసుకుంది.
భారత ప్రభుత్వ వాణిజ్యం & పరిశ్రమల మంత్రిత్వ శాఖ జారీ చేసిన నోటిఫికేషన్‌లో, 2024-25లో రిపబ్లిక్ ఆఫ్ మాల్దీవులకు ఎగుమతి చేయడానికి అనుమతించిన వస్తువులను వివరించారు. మాల్దీవులకు ఎగుమతి చేయాల్సిన గుడ్లు, బంగాళదుంపలు, ఉల్లిపాయలు, బియ్యం, గోధుమ పిండి, చక్కెర, పప్పు, రాయి కంకర మరియు ఇసుక పరిమాణాలను గజిట్ ఆఫ్ ఇండియా ఎక్స్‌ట్రార్డినరీలో ప్రచురించిన నోటిఫికేషన్ లో వివరించింది.
ఈ వస్తువులను మాల్దీవులకు ఎగుమతి చేయడం నిర్దిష్ట వ్యవధిలో ఇప్పటికే ఉన్న లేదా భవిష్యత్తులో ఉన్న పరిమితులు లేదా నిషేధాల నుండి మినహాయించబడుతుంది. అయితే, నది ఇసుక మరియు రాయి మొత్తం ఎగుమతిదారులు పర్యావరణ నిబంధనలు మరియు తీరప్రాంత పరిమితులకు అనుగుణంగా ఉండేలా తగిన అనుమతులు పొందవలసి ఉంటుంది.
