హైదరాబాద్: వర్షకాలం ప్రారంభం నేపథ్యంలో హైడ్రా కీలక నిర్ణయం తీసుకుంది. నగరవ్యాప్తంగా 27 బైక్ టీమ్స్ను అందుబాటులోకి తీసుకొచ్చింది. అత్యవసర పరిస్థితుల్లో రెస్పాండ్ టైమ్ను తగ్గించడమే లక్ష్యంగా ఈ నిర్ణయం తీసుకుంది.
ట్రాఫిక్ జామ్ల కారణంగా వర్షాల వల్ల చెట్లు కూలిపోయిన ఏరియాలకు, వాటర్ లాగింగ్ ప్రాంతాలకు హైడ్రా టీమ్స్ త్వరగా వెళ్లలేకపోతున్నాయి. ఈ పరిస్థితిని దృష్టిలో ఉంచుకుని వెంటనే అదనపు బైక్ టీమ్లను రంగంలోకి దించింది హైడ్రా. నగర వ్యాప్తంగా 27 బైక్ టీమ్స్ను అందుబాటులోకి తీసుకొచ్చింది. దీంతో ట్రాఫిక్లో కూడా ఘటన స్థలాలకు వేగంగా చేరుకుంటున్నాయి హైడ్రా బైక్ టీమ్లు.
►ALSO READ | వర్క్ ఫ్రమ్ బైక్ వైరల్ వీడియో.. ఆత్రం ఎక్కువైతే ప్రాణం పోద్ది.. యువకుడికి సజ్జనార్ వార్నింగ్
ప్రతి బైక్ టీమ్కు ట్రీ బ్రాంచ్ కట్టర్స్, రోప్స్, స్పేడ్ వంటి ప్రాథమిక పరికరాలు అందుబాటులో ఉంచారు. చెట్లు కూలిన ఘటనలపై తక్షణ స్పందన ఇచ్చి రోడ్లను క్లియర్ చేయడంలో బైక్ టీమ్లది కీలక పాత్ర. అత్యవసర పరిస్థితుల్లో రెస్పాండ్ టైమ్ను తగ్గించడమే బైక్ టీమ్ల ప్రధాన ఉద్దేశ్యం. వర్షాకాలంలో నగర ప్రజలకు వేగవంతమైన సేవలు అందించేందుకు ఈ బైక్ టీమ్లను మరింత బలోపేతం చేయనున్నట్లు తెలిపింది హైడ్రా.
