పాట్నా: దివంగత బాలీవుడ్ హీరో సుశాంత్ సింగ్ కుటుంబంలో మరో విషాదం చోటు చేసుకుంది. బిహార్లోని లఖిసరాయ్ జిల్లాలో జరిగిన ఘోర రోడ్డు ప్రమాదంలో సుశాంత్ బంధువులు ఐదుగురు చనిపోయారు. వీళ్లతో పాటు డ్రైవర్ అక్కడికక్కడే ప్రాణాలు కోల్పోయాడని పోలీసులు తెలిపారు. పాట్నాలో ఓ బంధువు అంత్యక్రియలకు హాజరై తిరిగి జాముయికి వస్తుండగా మంగళవారం ఉదయం ఈ విషాద ఘటన జరగింది. ‘‘సుశాంత్ బంధు వులు ప్రయాణిస్తున్న టాటా సుమో.. ఎల్పీజీ ఖాళీ గ్యాస్ సిలిండర్లతో వస్తున్న లారీ ఢీకొన్నాయి. ప్రమాదంలో డ్రైవర్తో సహా సుమోలోని ఆరుగురు చనిపోయారు. మరో నలుగురికి గాయాలు కావడంతో ట్రీట్మెంట్ కోసం ఆస్పత్రికి తరలించాం”అని పోలీసులు తెలిపారు.
