మహారాష్ట్ర థానేలోని ఉల్లాస్ నగర్ లో ఘోర ప్రమాదం జరిగింది. నిర్మాణంలో ఉన్న ఐదంతస్థుల బిల్డింగ్ స్లాబ్ కూలి ఏడుగురు అక్కడికక్కడే చనిపోయారు.మరి కొందరికి గాయాలయ్యాయి. నెహ్రూ చౌక్ వద్ద ఉన్న గ్రౌండ్-ప్లస్-ఐదు అంతస్తుల బిల్డింగ్ లోని ఐదు ఫ్లాట్ల స్లాబ్‌లు శుక్రవారం రాత్రి కూలిపోయాయి. ఏడు మృతదేహాలను బయటకు తీశారు.. శిథిలాల కింద చిక్కుకున్న వారిని NDRF బృందం రక్షించింది. వెంటనే వారిని చికిత్స కోసం సమీప హాస్పిటల్ కు తరలించారు. ఈ ప్రమాదంలో ముగ్గురు మహిళలు, నలుగురు పురుషులు, ఒక బాలుడు ఉన్నారు. మరణించిన వారు భవనంలో నివసిస్తున్న రెండు కుటుంబాలకు చెందినవారని గుర్తించారు. మరణించిన ప్రతి కుటుంబానికి రాష్ట్ర ప్రభుత్వం 5 లక్షల ఆర్థిక సహాయం అందిస్తుందని థానే జిల్లా సంరక్షక మంత్రి ఏకాంత్ షిండే తెలిపారు.
