హైదరాబాద్ జూ పార్కులో 8 సింహాలకు కరోనా!

V6 Velugu Posted on May 04, 2021

హైదరాబాద్: కరోనాతో దేశం మొత్తం అల్లాడుతోంది. రాష్ట్రంలోనూ మహమ్మారి విజృంభిస్తోంది. ఈ సమయంలో మనుషులకే కాదు.. జంతువుల్లోనూ కరోనా లక్షణాలు కనిపించడం ఆందోళనకు గురి చేస్తోంది. అది కూడా ఒకేసారి 8 సింహాలకు కరోనా సోకిందన్న వార్త హాట్ టాపిక్‌‌గా మారింది. వివరాలు.. నగరంలోని నెహ్రూ జూపార్క్‌‌లో ఎనిమిది సింహాలకు కరోనా లక్షణాలు ఉన్నట్లు జూ అధికారులు గుర్తించారు. ఈ సింహాలకు నిర్వహించిన ఆర్‌టీ పీసీఆర్ టెస్టుల్లో వైరస్ పాజిటివ్‌గా వచ్చిందని జూపార్క్ అధికారులకు సెంటర్ ఫర్ సెల్యూలర్ అండ్ మాలిక్యులర్ బయోలజీ (సీసీఎంబీ) చెప్పినట్లు సమాచారం. అయితే ఈ విషయాన్ని జూపార్క్ డైరెక్టర్ డాక్టర్ సిద్ధానంద్ కుక్రేటి ఖండించకపోవడం గమనార్హం. ‘సింహాలకు కరోనా లక్షణాలు ఉన్న మాట వాస్తవమే. కానీ సీసీఎంబీ నుంచి మాకు అందాల్సిన ఆర్టీ పీరీఆర్ రిపోర్టులు ఇంకా రాలేదు. కాబట్టి ఈ విషయంపై ఇప్పుడే కామెంట్ చేయలేను. సింహాలు ఇప్పుడు బాగానే ఉన్నాయి’ అని డాక్టర్ కుక్రేుటి చెప్పారు. కాగా, ఆదివారం నుంచి జూ పార్కులో సందర్శకులకు అధికారులు అనుమతి నిరాకరించారు. 

Tagged Hyderabad, Officers, Corona Positive, nehru zoological park, lions, Asiatic lions, Covid Symptoms, kukreti siddhanand 

Latest Videos

Subscribe Now

More News