భైంసా, వెలుగు: సరస్వతీ దేవిపై రెంజర్ల రాజేశ్ చేసిన వ్యాఖ్యలకు నిరసనగా నిర్మల్ జిల్లా బాసర లో బంద్ నిర్వహించారు. వ్యాపార సంఘాలు, స్థానికులు స్వచ్ఛందంగా పాల్గొన్నారు. ఆలయ ఉద్యోగులు, అర్చకులు, సిబ్బంది ప్రధాన ద్వారం ముందు బైఠాయించి నిరసన తెలిపారు. నిత్య పూజలను నిలిపివేశారు. తర్వాత అఖిలపక్షం ఆధ్వర్యంలో స్థానికులు, వ్యాపారస్తులు నిజామాబాద్–-భైంసా రోడ్డుపై ఉన్న శివాజీ విగ్రహం వద్ద ధర్నా నిర్వహించారు.
రెండు గంటలకు పైగా ధర్నా చేయడంతో ట్రాఫిక్ స్తంభించింది. కలెక్టర్, ఎస్పీ రావాలని..రాజేశ్ను 24 గంటల్లో అరెస్టు చేయాలని నినాదాలు చేశారు. రాజేశ్పై పీడీ యాక్టు పెట్టాలని డిమాండ్చేశారు. ముథోల్సీఐ వినోద్ రెడ్డి, ఎస్సై మహేశ్వచ్చి ఆందోళనకారులను సముదాయించి నిరసన విరమింపజేశారు. రాజేశ్పై బాసర పీఎస్లో ఫిర్యాదు చేయగా.. ఐపీసీ 153, 504 సెక్షన్ల కింద కేసులు నమోదు చేసినట్లు ఎస్సై మహేశ్ తెలిపారు.
