జగిత్యాల జిల్లాలో యాక్టివా స్కూటీ మంటల్లో దగ్దమయ్యింది. ఒక్కసారిగా ఇంజిన్ నుంచి పొగ వచ్చి మంటలు చెలరేగి దగ్దమైంది యాక్టివా. బుధవారం ( డిసెంబర్ 10 ) జరిగిన ఈ ఘటనకు సంబంధించి వివరాలిలా ఉన్నాయి.. జగిత్యాల జిల్లా బుగ్గారం మండలం మద్దునూరులో చోటు చేసుకుంది ఈ ఘటన. బుగ్గారం మండలంలో యాక్టివా 6G స్కూటీ నడుస్తుండగా అకస్మాత్తుగా మంటలు చెలరేగి దగ్దమైంది.
ఇంజిన్ నుంచి పొగ రావడంతో కొద్దిసేపట్లోనే మంటలు పూర్తిగా వ్యాపించాయి. మంటల్లో స్కూటీ పూర్తిగా దగ్దమయ్యింది. ఈ ఘటనలో స్కూటీ ఓనర్ ప్రాణాలతో బయటపడ్డారు. స్కూటీ దగ్దమవ్వడానికి కారణాలు తెలియాల్సి ఉంది.
ఎలక్ట్రిక్ వాహనాలు తగలబడటం గురించి వార్తలు తరచూ వింటుంటాం కానీ.. పెట్రోల్ వాహనం, అందులోనూ శీతాకాలంలో మంటలు చెలరేగడం ఆశ్చర్యాన్ని కలిగించే విషయమని చెప్పాలి.
