కరీంనగర్ టౌన్,వెలుగు : మహిళాభివృద్ధి,శిశు సంక్షేమశాఖ ఆధ్వర్యంలో కలెక్టర్ పమేలా సత్పతి హైదరాబాద్ కు చెందిన దంపతులకు దత్తత పాపను గురువారం అందించారు. ఈ సందర్భంగా కలెక్టర్ మాట్లాడారు. దత్తత తీసుకున్న దంపతులు చిన్నారులకు మంచి విద్య, పౌష్టికాహారం అందించాలని సూచించారు. అడాప్షన్ రెగ్యులేషన్స్- చట్టం 2022 ప్రకారం దత్తత ఇచ్చామన్నారు. గత జనవరిలో చెన్నయ్కి చెందిన దంపతులకు
దత్తత ఇచ్చిన పాప ఉత్తర్వుల కాపీని సదరు పేరెంట్స్ కు ఇచ్చారు. అనంతరం ఈనెల 9 నుంచి 23వరకు సిటీలో మహిళాభివృద్ది,శిశు సంక్షేమ శాఖ ఆద్వర్యంలో నిర్వహించిన పోషణ్ పక్షత్సవాల్లో ఫస్ట్ ప్లేస్ లో నిలిచిన కరీంనగర్ ఉద్యోగులకు ప్రశంసాపత్రాలను కలెక్టర్ ఇచ్చారు. ఈ కార్యక్రమంలో డీడబ్ల్యుఓ ఎం.సరస్వతి, శిశుగృహ మేనేజర్‌ తేజస్వి, తదితరులు పాల్గొన్నారు.
