జగిత్యాల, వెలుగు : జగిత్యాలలో బీఆర్ఎస్ రెబల్ కౌన్సిలర్ అడువాల జ్యోతి కాంగ్రెస్, బీజేపీ, బీఆర్ఎస్, ఇండిపెండెంట్ కౌన్సిలర్లమద్దతుతో బల్దియా పీఠాన్ని దక్కించుకున్నారు. బుధవారం జరిగిన ఎన్నికలో బీఆర్ఎస్ కౌన్సిలర్లు సమిండ్ల వాణి, రెబల్ అభ్యర్థిగా అడువాల జ్యోతి పోటీపడ్డారు. 9 మంది బీఆర్ఎస్ కౌన్సిలర్లు విప్ను ధిక్కరిస్తూ జ్యోతికి ఓటేశారు. కాంగ్రెస్ కౌన్సిలర్లు ఆరుగురు బీజేపీ కౌన్సిలర్లు ఇద్దరు, ఐదుగురు ఇండిపెండెంట్లు
ఒకరు ఎంఐఎం, మరొకరు ఫార్వర్డ్ బ్లాక్ కౌన్సిలర్లు మొత్తం 24 మందిమద్దతు తెలిపారు. వాణికి బీఆర్ఎస్ కౌన్సిలర్లు 20 మంది ఓటేయగా మరో కౌన్సిలర్ గైర్హాజరయ్యారు. ఇండిపెండెంట్, ఇతర పార్టీకి చెందిన మరో ఇద్దరు కౌన్సిలర్లు ఓటేశారు. ఎమ్మెల్యే ఎక్స్ఆఫీషియో ఓటుతో కౌన్సిలర్ వాణికి 23 ఓట్లు వచ్చాయి. దీంతో చైర్పర్సన్గా జ్యోతి ఎన్నికైనట్లు అధికారులు ప్రకటించారు. అనంతరం జ్యోతి చైర్ పర్సన్గా ప్రమాణ స్వీకారం చేశారు.
విప్ జారీ చేసిన బీఆర్ఎస్ ఎమ్మెల్యే :
29 మంది బీఆర్ఎస్ కౌన్సిలర్ల కు హై కమాండ్ విప్ కూడా జారీ చేసినప్పటికి చైర్ పర్సన్ పదవిని కొల్పోవాల్సి వచ్చింది. వాణికి మద్దతు ఇవ్వాలని ఎమ్మెల్యే సంజయ్ కుమార్ కోరగా.. కొంత మంది కౌన్సిలర్లు మాత్రం వ్యతిరేకించారు. ఆ పార్టీకి చెందిన12 మంది కౌన్సిలర్లు విప్ను ధిక్కరించడం తీవ్ర చర్చనీయాంశంగా మారింది. వీరిపై కలెక్టర్ కు ఫిర్యాదు చేస్తానని, ధిక్కరించిన వారి పదవులను రద్దు చేయాలని ఎమ్మెల్యే సంజయ్ కుమార్ మీడియాకు తెలిపారు.
