ఆఫ్ఘనిస్తాన్ మహిళల పరిస్థితి రోజు రోజుకు దారుణంగా తయారవుతోంది. తాలిబన్ల పాలనలో ఆ దేశ మహిళల ఇబ్బందులు అంతా ఇంతా కాదు. తాలిబన్ పాలకులు మహిళలకు ఏరోజు ఎలాంటి నిబంధనలు విధిస్తారోనని బిక్కు బిక్కుమంటూ జీవనం కొనసాగిస్తున్నారు. ఇప్పటికే వస్త్రధారణ, విద్య, అనేక విషయాల్లో కఠినమైన ఆంక్షలు విధించిన ఆఫ్ఘాన్ పాలకులు ఇప్పుడు మహిళా బ్యూటీ సెలూన్లను నిషేధిస్తూ ఉత్తర్వులు జారీ చేసింది.
అధికారంలోకి వస్తే మంచి పాలన అందిస్తామని చెప్పిన తాలిబన్లు ప్రస్తుతం అందుకు పూర్తి విరుద్ధంగా ప్రవర్తిస్తున్నారు. 2021 ఆగస్టులో ఆఫ్ఘాన్ ను పూర్తిగా తమ చేతుల్లోకి తీసుకున్నప్పటి నుంచి ప్రజలను తీవ్ర ఇబ్బందులకు గురిచేస్తున్నారు. మరీ ముఖ్యంగా మహిళలపై అణచివేతను కొనసాగిస్తున్నారు. ఇప్పటికే మహిళల ఉన్నత చదువులపై ఆంక్షలు పెట్టారు. ఈద్ వేడుకల్లోనూ పాల్గొనకుండా నిషేధం విధించారు.
ఆఫ్ఘనిస్తాన్ లో దేశ వ్యాప్తంగా ఉన్న మహిళా బ్యూటీ సెలూన్ లపై తాలిబన్ ప్రభుత్వం నిషేధం విధించింది. ఇకపై మహిళలు బ్యూటీ సెలూన్లు నడపకూడదని మంత్రి మహ్మద్ అకిఫ్ మహజర్ ప్రకటించారు. ‘కాబూల్ సహా దేశంలోని ఇతర ప్రావిన్సుల్లో మహిళలు నిర్వహించే అన్ని బ్యూటీ సెలూన్ లను నిషేధిస్తున్నాం. ఈ ఆదేశాలు ప్రతి ఒక్కరూ కచ్చితంగా పాటించాల్సిందే. సెలూన్లు తమ కార్యకలాపాలను నిలిపివేయాలని హుకుం జారీ చేశారు. అనంతరం మూసివేత గురించిన నివేదికను ప్రభుత్వానికి సమర్పించాలి. ప్రభుత్వ ఆదేశాలను ఉల్లంఘించిన వారు చట్టపరమైన చర్యలు ఎదుర్కోవాల్సి ఉంటుంది అని ప్రభుత్వం స్పష్టం చేసింది.
VIDEO: ?? Afghan women protest against beauty parlour ban
— AFP News Agency (@AFP) July 19, 2023
A group of women protest in Kabul against an order by Taliban authorities to shut beauty parlours across the country, the latest curb to squeeze them out of public life pic.twitter.com/MGGFpJgXOY