అక్కినేని అఖిల్, సురేందర్ రెడ్డి కాంబినేషన్ అనౌన్స్ చేసినప్పుడే సినిమాపై బజ్ ఏర్పడింది. ‘ఏజెంట్’ టైటిల్, అఖిల్ లుక్స్‌‌‌‌తో అంచనాలు ఇంకా పెరిగాయి. టీజర్‌‌‌‌లో అఖిల్ స్టైలిష్‌ మేకోవర్‌‌‌‌‌‌‌‌తో ఇంప్రెస్ చేయడంతో అక్కినేని ఫ్యాన్స్ అంతా ఈ మూవీకోసం ఆసక్తిగా ఎదురుచూస్తున్నారు. అయితే రిలీజ్ విషయంలో అంతకంతకు వెనక్కి వెళ్లిన టీమ్.. న్యూఇయర్‌ విషెస్‌‌‌‌తో అక్కినేని ఫ్యాన్స్‌‌‌‌కి కొత్త కబురు చెప్పింది. అసలైతే ఈ చిత్రం కిందటేడాదిలోనే విడుదలవ్వాల్సి ఉంది. కానీ వర్క్ కంప్లీట్ కాకపోవడంతో వాయిదా పడుతూ వచ్చింది.
ఫైనల్‌‌‌‌గా ఈ సమ్మర్లో రిలీజ్ ఖాయమంటూ మేకింగ్ వీడియోతో ప్రకటించారు. ఇందులో స్టన్నింగ్ లుక్‌‌‌‌తో కనిపిస్తున్నాడు అఖిల్. హాలీవుడ్ స్టాండర్డ్స్‌‌‌‌లో యాక్షన్ సీక్వెన్స్‌‌‌‌ని తెరకెక్కిస్తున్నట్టు వినిపిస్తోంది. మలయాళ స్టార్ మమ్ముట్టి కీలక పాత్ర పోషిస్తున్న ఈ మూవీలో సాక్షి వైద్య హీరోయిన్. ఏకే ఎంటర్‌‌‌‌టైన్‌‌‌‌మెంట్స్, సురేందర్2 సినిమా బ్యానర్స్‌‌‌‌పై రామబ్రహ్మం సుంకర నిర్మిస్తున్నారు. వక్కంతం వంశీ కథ రాశాడు. హిప్‌‌‌‌హాప్ తమిళ సంగీతాన్ని అందిస్తున్నాడు. ప్యాన్ ఇండియా మూవీగా దీన్ని రిలీజ్ చేయనున్నారు.
