- మంత్రి అడ్లూరికి పరశురామ్ వినతి
హైదరాబాద్, వెలుగు: కరెన్సీ నోట్లపై అంబేద్కర్ ఫొటో ముద్రించాలని సంక్షేమ శాఖ మంత్రి అడ్లూరి లక్ష్మణ్ ను కరెన్సీపై అంబేద్కర్ ఫొటో సాధన సమితి జాతీయ అధ్యక్షుడు డా జేరిపోతుల పరశురామ్ కోరారు. ఈ అంశాన్ని సీఎం రేవంత్ రెడ్డి దృష్టికి తీసుకెళ్లి అసెంబ్లీలో తీర్మానం చేసి కేంద్రానికి పంపాలని రిక్వెస్ట్చేశారు.
నవంబర్ 26న భారత రాజ్యాంగం ఆమోదించిన సందర్భంగా కరెన్సీ నోట్లపై అంబేద్కర్ ఫొటో ముద్రించాలన్నారు. అదే రోజు ఉస్మానియా యూనివర్సిటీ ఆర్ట్స్ కాలేజీ వద్ద వేలాది మంది కళాకారులచే ధూంధాం నిర్వహిస్తున్నామని తెలిపారు. పరశురామ్ వెంట దాసరి విజయ్ కుమార్ ఉన్నారు.
