- జూన్లో పోక్సో కేసులో జైలుకు..
చిన్నచింతకుంట, వెలుగు: హైదరాబాద్ లోని ఎర్రగడ్డ దవాఖాన నుంచి పరారైన ఖైదీ కిశోర్ రెడ్డి(22) బుధవారం వనపర్తి జిల్లా అమరచింత మండలం నందిమల్ల శివారులో ఆత్మహత్య చేసుకున్నాడు. పోక్సో కేసులో చంచల్ గూడ జైలులో శిక్ష అనుభవిస్తున్న నిందితుడిని మంగళవారం హాస్పిటల్కు తీసుకెళ్లగా.. బాత్రూంకు వెళ్తానని చెప్పి వెంటిలేటర్నుంచి పారిపోయాడు. దీంతో పోలీసులు అతడి స్వగ్రామమైన నందిమల్లలో కాపుకాశారు.
గ్రామంలో పికెటింగ్ ఏర్పాటు చేయగా, ఇది చూసిన కిశోర్రెడ్డి ఊర్లోని చెరువు కట్ట దగ్గరికి వెళ్లి చెట్టుకు ఉరేసుకొని ఆత్మహత్య చేసుకున్నాడు. తమకు తెలియకుండా తమ బిడ్డను పెండ్లి చేసుకున్నాడని ఓబాలిక తల్లిదండ్రులు కేసు పెట్టగా ఈ ఏడాది జూన్ లో అతడిపై పోక్సో కేసు నమోదైంది. అప్పుడు మహబూబ్నగర్జిల్లా జైలుకు తరలించారు.
అయితే, జూలై 6న జైలు నుంచి తప్పించుకున్న కిశోర్గుళికల మందు తాగి ఆత్మహత్యాయత్నం చేయగా.. పోలీసులు అతడి ప్రాణాలు కాపాడారు. అప్పుడప్పుడు మతితప్పి ప్రవర్తిస్తుండడంతో చంచల్గూడ జైలుకు తరలించి ఎర్రగడ్డ మానసిక దవాఖానలో ట్రీట్మెంట్చేయిస్తున్నారు. అందులో భాగంగా బుధవారం కూడా తీసుకురాగా పరారయ్యాడు. చివరికి సొంత ఊరికి వచ్చి ఆత్మహత్య చేసుకున్నాడు.
