చలి ముదురుతుంది. పగలు ఎండు ఉన్నా.. సాయంత్రం సమయానికి చలిపెడుతుంది. ఈ సమయంలో వేడి వేడిగా ఏమైనా తింటే హాయిగా ఉంటుంది. ఎప్పుడూ రొటీన్ ఉల్లి పకోడి... బజ్జి లాంటివి తింటే ఆరోగ్యం దెబ్బతింటుంది. ఈ సారి వెరైటీగా గోబీ అదేనం కాలిఫ్లవర్పకోడీని ట్రై చేద్దామామరి.. ఇది ఎంతో ఆరోగ్యం కూడా.. ఇప్పుడు ఈ వెరైటీ స్నాక్స్ ను ఎలా తయారు చేయాలో ఈ స్టోరీలో తెలుసుకుందాం. . !
ఒక్కోసారి ఇంటికి అనుకోకుండా గెస్ట్ లు వస్తుంటారు. బజారున పోతూ పోతూ ఒక్కసారి పలకరించి వెళ్దామనుకుంటారు. అలా వచ్చిన వారికి జస్ట్ పదే పది నిమిషాల్లో గోబి పకోడి పెడితే చాలా వెరైటీగా ఉంటుందిగా మరి..!
కాలిఫ్లవర్ పకోడి తయారీకి కావలసినవి
- కాలీఫ్లవర్ ముక్కలు: రెండు కప్పులు
- ఉప్పు: రుచికి సరిపడ
- గుడ్లు -: రెండు
- కార్న్ ఫ్లోర్ : ఒక కప్పు
- నూనె: వేయించడానికి సరిపడ
కాలీఫ్లవర్ ఫ్రై తయారీ విధానం
ముందుగా కాలిఫ్లవర్ పువ్వును చిన్న చిన్న ముక్కలుగా కట్ చేయాలి. వీటిని ఒక గిన్నెలో వేసి అవి మునిగేలా నీళ్లు పోయాలి. ఈ నీళ్లలో ఒక టీస్పూన్ ఉప్పు వేసి మురికిపోయేలా శుభ్రంగా కడిగి ఆ ముక్కలను వేరే గిన్నెలోకి తీసుకోవాలి.
ఇప్పుడు మరో గిన్నె తీసుకొని అందులో గుడ్ల సొన వేయాలి. ఇందులో కార్న్ ఫ్లోర్ వేసి ఉండలు లేకుండా పెరుగు మాదిరిగా చిక్కగా వచ్చే వరకు బాగా కలపాలి.
►ALSO READ | నిమ్మతొక్కలు పడేస్తున్నారా.. అయితే మీరు చాలా నష్టపోతున్నారు.!
ఇప్పుడు కాలిఫ్లవర్ ముక్కలను ఒక ప్లేట్లో సమానంగా ఉంచాలి. ఈ ముక్కలపై కార్న్ప్లోర్ గుడ్ల సొన మిశ్రమాన్ని ఆ ముక్కలకు మందపాటి పొరలా అంటేలా చేతులతో బాగా కలపాలి.
ఇప్పుడు స్టవ్ వెలిగించి డీప్ ఫ్రైకి సరిపడా నూనెను కళాయిలో పోసి వేడి చేయాలి. ఆ తరువాత పిండి పట్టించిన ముక్కలను ఒక్కొక్కటిగా బంగారు రంగులోకి వచ్చేవరకు కరకరలాడే వరకు వేయించాలి. వీటిని ఒకప్లేట్ లోకి తీసుకోవాలి.అంతే క్రిస్పీ కాలిఫ్లవర్ పకోడి రడీ..
వీటిని సర్వ్ చేసేటప్పుడు వీటిపైన పెరిపెరి మసాలా కానీ, చాట్ మసాలా కానీ చల్లండి. ఎంతో ఇష్టంగా లాగించేస్తారు
