- పిల్లల్నీ వదలని దుండగులు
న్యూయార్క్: అమెరికాలోని న్యూజెర్సీ రాష్ట్రంలో భారత సంతతికి చెందిన భార్యాభర్తలు పిల్లలతో సహా వారి ఇంట్లోనే దారుణ హత్యకు గురయ్యారు. హతేజ్ ప్రతాప్ సింగ్, సోనాల్ పరీహర్ భార్యాభర్తలు. ఐటీ ఉద్యోగులుగా పనిచేస్తున్న వీరికి ఇద్దరు పిల్లలు. ప్లెయిన్స్బోరోలో ఉంటున్న ఈ కుటుంబం అక్టోబర్4న ఎంతకూ ఇంటి తలుపులు తెరవకపోవడంతో వారి బంధువులు పోలీసులకు సమాచారం ఇచ్చారు. పోలీసులు వచ్చి డోర్లు ఓపెన్ చేయగా.. భార్యభర్తలు, ఇద్దరు పిల్లలు శవాలుగా కనిపించారు.
ఘటనా స్థలంలో క్లూస్ టీమ్ ఆధారాలు సేకరించింది. ఈమేరకు హత్య కేసుగా నమోదు చేసుకున్న ప్లెయిన్స్బోరో పోలీసులు.. దర్యాప్తు మొదలుపెట్టారు. అనుమానితులకు సంబంధించిన వివరాలు తెలిస్తే తమను సంప్రదించాలని చుట్టుపక్కల వాళ్లకు పోలీసులు సూచించారు. మృతదేహాలను పోస్ట్మార్టం కోసం ఆస్పత్రికి పంపారు. నలుగురు హత్యకు గురికావడాన్ని సీరియస్గా తీసుకున్న పోలీసు అధికారులు.. ఇన్వెస్టిగేషన్ ముమ్మరం చేశారు.
కాగా, దంపతులిద్దరూ ఐటీ ఉద్యోగులని, పదేండ్లుగా అక్కడే ఉంటున్నారని చుట్టుపక్కల వాళ్లు పోలీసులకు చెప్పారు.
