రాష్ట్ర సినిమాటోగ్రఫీ శాఖ మంత్రి తలసాని శ్రీనివాస్ యాదవ్ ను ఇవాళ టీఆర్ఎస్ ఎన్నారై అధ్యక్షుడు అనిల్ కూర్మాచలం మర్యాద పూర్వకంగా కలిశారు. ఆయన ఇటీవలే నూతనంగా తెలంగాణ ఫిల్మ్, టీవీ, థియేటర్ డెవలప్మెంట్ కార్పొరేషన్ చైర్మన్ గా నియమితులైయ్యారు. ఈ నేపథ్యంలో అనిల్ కుమార్ కూర్మాచలం మంత్రి తలసానిని కలిశారు. ఈ సందర్భంగా అనిల్ కు మంత్రి శుభాకాంక్షలు తెలియజేశారు. శాలువాతో సత్కరించి అభినందించారు. అనంతరం అనిల్ కూర్మాచలం మంత్రితో కాసేపు ముచ్చటించారు. భవిష్యత్‌లో మరిన్ని ఉన్నత పదవులు చేపట్టాలని మంత్రి ఆకాంక్షించారు.
