లాహిరి లాహిరి లాహిరిలో(Lahiri Lahiri Lahirilo)’ సినిమాతో తెలుగు తెరకు పరిచయమైంది నటి అంకిత(Ankitha). ఆ తర్వాత కొన్ని సినిమాలు చేసినా సింహాద్రి(Simhadri) ఆమెకు మంచి గుర్తింపునిచ్చింది. 2009లో ఉన్నట్టుండి ఆమె ఇండస్ట్రీకి దూరమైంది. తాజాగా ఈ విషయంపై అంకిత మాట్లాడింది. ‘బాలకృష్ణ(Balakrishna)తో నటించిన విజయేంద్రవర్మ(Vijayendravarma) సినిమాపై ఎన్నో అంచనాలు పెట్టుకున్నాను. ఆ సినిమా హిట్ అయ్యుంటే కచ్చితంగా ఇండస్ట్రీలో ఉండేదాన్ని.
పరిశ్రమలో నాకు ఎవ్వరితోనూ గొడవల్లేవు. నవదీప్(Navadeep)తో గొడవంటూ రూమర్లు వచ్చాయి. అందులో నిజం లేదు. ఒకే సారి ఎక్కువ సినిమాలు ఒప్పుకుని ఒత్తిడికి గురయ్యాను అందుకే గ్యాప్ ఇవ్వాల్సి వచ్చింది’ అంటూ తెలిపింది. 2019లో విశాల్ జగపతి(Jagapathi) అనే బిజినెస్ మ్యాన్ను పెళ్లిచేసుకున్న అంకిత ఇప్పుడు అమెరికాలో ఉంటోంది. వీరికి ఇద్దరు అబ్బాయిలు. త్వరలోనే టాలీవుడ్లో కంబ్యాక్ ఇస్తానని తెలిపింది.
