ఏపీలో మరోసారి వైఎస్సార్ సీపీ అధికారం చేపట్టబోతుందన్నారు సీఎం జగన్. విజయవాడలోని ఐప్యాక్ ఉద్యోగులతో సమావేశమయ్యారు జగన్. 2019లో వైఎస్సార్ సీపీ సాధించిన 151 ఎమ్మెల్యే, 22 ఎంపీ స్థానాలకు మించి ఈ సారి సాధించబోతున్నామని చెప్పారు. గతంలో కంటే వచ్చే ఐదేళ్లలో ఎక్కువ అభివృద్ధి చేస్తామని చెప్పారు.
వైసీపీకి ఐ ప్యాక్ సూచనలను గత ఐదేళ్ల పాలనలో ఎంతో ఉపయోగపడ్డాయన్నారు. ఈ ప్రయాణం ముందు కూడా ఇలానే కొనసాగుతుందన్నారు. ప్రశాంత్ కిషోర్ కూడా ఊహించని ఫలితాలు వస్తాయన్నారు. దేశంలో అందరు షాకయ్యేలా జూన 4న ఫలితాలు వస్తాయని జగన్ ధీమా వ్యక్తం చేశారు. అన్ని రాష్ట్రాల నేతలు ఏపీనే చూస్తారని చెప్పారు.
