అకాల వర్షాలకు పంటలు నష్టపోయిన రైతులకు నష్టపరిహారం అందించే ప్రక్రియను ఆంధ్రప్రదేశ్ ప్రభుత్వం పూర్తి చేసింది. ఇందుకోసం ప్రభుత్వం ఇటీవల రూ.1,277 కోట్లను కేటాయించింది.
ధాన్యం నష్టపోయిన 32,558 మంది రైతుల ఖాతాలకు మే 10 న రూ.474 కోట్లు జమ చేసినట్లు ఏపీ ఉన్నతాధికారులు తెలిపారు. దీంతో గత అయిదు రోజులుగా రైతులకు జమ చేస్తున్న నగదు బదిలీ ప్రక్రియ పూర్తయింది. రికార్డు సమయంలో పంట నష్ట పరిహారం అందించామని అధికారులు చెబుతున్నారు.
