అర్జున్ రెడ్డి సినిమా ఎంత సంచలన విజయం సాధించింది. ఈ సినిమాతో నటుడు విజయ్ దేవరకొండ స్టార్ ఇమేజ్ ను సొంతం చేసుకున్నాడు. అయితే ఈ సినిమాను మళ్ళీ రిలీజ్ చేయనున్నట్లు దర్శకుడు సందీప్ రెడ్డి తెలిపారు. అయితే ఈ వెర్షన్ లో అర్జున్ రెడ్డి బాల్యం, అతని బుల్లెట్ బైకుకు సంబంధించిన సన్నివేశాలు, అర్జున్ రెడ్డి పెంచుకున్న కుక్కతో వుండే సీన్లు, అర్జున్ రెడ్డి స్కూల్ ఫ్రెండ్స్ కు సంబంధించిన సన్నివేశాలు ఉంటాయని చెప్పారు.
అర్జున్ రెడ్డి సినిమా మొత్తం నిడివి 4 గంటల 20 నిమిషాల వచ్చిందని… నిడివి ఎక్కువ కావడంతో, ఎడిటింగులో కొన్ని సన్నివేశాలను కట్ చేసి, చివరికి 3 గంటల 45 నిమిషాలకు కుదించామని తెలిపాడు సందీప్ రెడ్డి. ఇంత నిడివి ఉన్న సినిమాను రోజు నాలుగు ఆటలు వేయలేమని థియేటర్ ఓనర్లు తెలిపారు. దీంతో ఈ సినిమాను మరింత కుదించి 3 గంటల 6 నిమిషాల నిడివితో విడుదల చేశామన్నారు. 3 గంటల 45 నిమిషాల రన్ టైంతో ఈ సినిమాను విడుదల చేసుంటే మరింత హిట్టయ్యేదని అనుకుంటున్నాని చెప్పాడు. అందుకే… ఐదేళ్లు పూర్తయ్యే సందర్భంగా 2022 ఆగస్టు 25న 3 గంటల 45 నిమిషాల ‘అర్జున్ రెడ్డి’ సినిమాను మళ్లీ రిలీజ్ చేయాలని నిర్ణయించుకున్నామని తెలిపాడు సందీప్ రెడ్డి వంగ.
