ఆసిఫాబాద్, వెలుగు: సెలవు దినం రోజున సరదాగా గడపాల్సిన స్టూడెంట్లతో ఆశ్రమ పాఠశాల సిబ్బంది పిండి పిసికించి పూరీలు చేయించారు. ఆసిఫాబాద్ జిల్లా కెరమెరి మండలం హట్టి ఆశ్రమ పాఠశాలలో ఆదివారం ఉదయం ఈ చిత్రం ‘వెలుగు’ కెమెరాకు చిక్కింది. ఈ స్కూల్లో 300 మంది స్టూడెంట్లు చదువుతుండగా.. వీరి కోసం 10 మంది వంట మనుషులున్నారు.
అయినా స్కూల్ సిబ్బందికి బదులు స్టూడెంట్లతో పిండి పిసికించి, పూరీలు తయారు చేయించారు. పిల్లలకు అన్ని రకాల వసతి కల్పించి విద్యాబోధన చేయాల్సిన హెచ్ఎం, వార్డెన్ పిల్లలతో పనులు చేయించడంపై విమర్శలు వస్తున్నాయి.
