యూఏఈ వేదికగా సెప్టెంబర్ 9 నుండి ప్రారంభం కానున్న ఆసియా కప్ పైనే ప్రస్తుతం క్రికెట్ ప్రేమికుల దృష్టి నెలకొంది. మరో 10 రోజుల్లో ప్రారంభం కానున్న ఈ కాంటినెంటల్ టోర్నీకి భారీ హైప్ నెలకొంది. ముఖ్యంగా సీనియర్ ప్లేయర్లు ఈ మెగా టోర్నీకి అందుబాటులో లేకపోవడం.. తొలిసారి 8 జట్లు ఆడుతుండడంతో ఆసక్తిగా మారింది. ఆసియా కప్ టైమింగ్ లో ఆసియా క్రికెట్ కౌన్సిల్ స్వల్ప మార్పు చేసింది.
మ్యాచ్ లు భారత కాలమానం ప్రకారం రాత్రి 8 గంటలకు (స్థానిక సమయం సాయంత్రం 6:30 గంటలకు) ప్రారంభమవుతాయని శనివారం (ఆగస్టు 30) ఆసియా క్రికెట్ కౌన్సిల్ కన్ఫర్మ్ చేసింది. యూఏఈలో అధిక ఉష్ణోగ్రతల కారణంగా ఈ నిర్ణయం తీసుకున్నట్టు తెలుస్తోంది. మొదట ప్రకటించిన షెడ్యూల్ ప్రకారం ఆసియా కప్ మ్యాచ్ లు రాత్రి 7:30 నిమిషాలకు ప్రారంభం కావాల్సి ఉంది. మరో అరగంట పెంచి కీలక మార్పు చేసింది. సెప్టెంబర్ 15న అబుదాబిలో యుఎఇ, ఒమన్ జట్ల మధ్య జరిగే మ్యాచ్ ఒక్కటే సాయంత్రం 5:30 గంటలకు (స్థానిక సమయం సాయంత్రం 4:00) గంటలకు ప్రారంభమవుతుంది.
దుబాయ్ వేదికగా దుబాయ్ ఇంటర్నేషనల్ క్రికెట్ స్టేడియంలో సెప్టెంబర్ 14న ఇండియా, పాకిస్థాన్ మధ్య జరిగే హై-వోల్టేజ్ మ్యాచ్ ఈ టోర్నీకి ప్రధాన ఆకర్షణగా మారనుంది. మొత్తం ఎనిమిది జట్లు పోటీలో ఉండగా.. గ్రూప్‌–ఎలో ఇండియా, పాకిస్తాన్, యూఏఈ, ఒమన్.. గ్రూప్‌–బిలో శ్రీలంక, అఫ్గానిస్తాన్‌, బంగ్లాదేశ్‌, హాంకాంగ్ బరిలో నిలిచాయి. దుబాయ్, అబుదాబి వేదికలుగా ఓవరాల్‌‌‌‌‌‌‌‌గా 19 మ్యాచ్‌‌‌‌‌‌‌‌లు జరుగుతాయి.
2023లో జరిగిన గత ఎడిషన్‌‌‌‌‌‌‌‌లో రోహిత్ శర్మ కెప్టెన్సీలో టైటిల్ నెగ్గిన ఇండియా డిఫెండింగ్ చాంపియన్‌‌‌‌‌‌‌‌గా బరిలోకి దిగనుంది. ఈ టోర్నీ అన్ని మ్యాచ్ లు దుబాయ్, అబుదాబి వేదికలుగా జరగనున్నాయి. టీ20 ఫార్మాట్ లో జరగనున్న ఈ టోర్నమెంట్ ప్రారంభ మ్యాచ్ ఆఫ్ఘనిస్తాన్, హాంకాంగ్ మధ్య అబుదాబిలో జరుగుతుంది. ఫైనల్ సెప్టెంబర్ 28న దుబాయ్‌లో జరుగుతుంది. సూపర్ 4 సెప్టెంబర్ 20 నుండి 26 వరకు జరుగుతుంది. సెప్టెంబర్ 28న జరగనున్న టోర్నమెంట్ ఫైనల్‌కు దుబాయ్ ఆతిథ్యం ఇస్తుంది.
