అభీషన్ జీవింత్ (Abishan Jeevinth).. ఒకే ఒక్క సినిమా అతని జీవితాన్ని మార్చేసింది. చిన్నప్పటినుంచి ‘సినిమా సినిమా’ అనేవాడు. అదే సినిమా అతన్ని డైరెక్టర్ని చేసింది. యాక్టర్ని చేసింది. సరిగ్గా పాతికేండ్లు వచ్చేసరికి ఆస్కార్ రిమైండర్ లిస్ట్లో అతను డైరెక్ట్ చేసిన సినిమా ‘టూరిస్ట్ ఫ్యామిలీ’ పేరుంది.
గతేడాది వచ్చిన ఈ ఫ్యామిలీ డ్రామా ఎన్నో అవార్డులతోపాటు ప్రముఖుల ప్రశంసలు అందుకుంది. ఇంతకంటే గొప్ప సక్సెస్ ఉంటుందా? అని ప్రశ్నించేలోపే హీరోగా మారి మరో సక్సెస్ అందుకున్నాడు. ‘కాన్ఫిడెన్స్ ఉంటే ఏదైనా సాధించొచ్చు’ అని తన సక్సెస్లతో నిరూపించాడు. లేటెస్ట్గా ‘విత్ లవ్’ అంటూ యూత్ని ఆకట్టుకున్న అభీషన్ జర్నీ తన మాటల్లో...
నేను పుట్టింది ట్రిచీ. తిరుచిరాపల్లిలో స్కూల్ ఎడ్యుకేషన్ పూర్తిచేశాను. చెన్నైలోని లొయొలా కాలేజీలో విజువల్ కమ్యూనికేషన్స్లో డిగ్రీ పూర్తి చేశాను. ఆరో తరగతిలో ఉన్నప్పటి నుంచే నేను ఫిల్మ్ మేకర్ అవుతానని అందరితో చెప్పేవాడిని. మా స్కూల్లో టీచర్స్ కూడా ఆశ్చర్యపోయి, మా అమ్మతో చెప్పేవాళ్లు. టెన్త్లో కూడా నేను మా ఇంట్లో అదే చెప్పాను. దాంతో మా పేరెంట్స్ భయపడ్డారు. ఆ తర్వాత నేను తీసిన షార్ట్ ఫిల్మ్స్ కాంపిటీషన్స్లో గెలుస్తూ ఉండడంతో నెమ్మదిగా వాళ్లకి నా మీద నమ్మకం వచ్చింది. నా స్టేజ్ పర్ఫార్మెన్స్లు చూసి నాకు సినిమాలే ఇంట్రెస్ట్ అని ఫిక్స్ అయిపోయారు.
‘తెనాలి’ సినిమాకి సెకండ్ పార్ట్లాగా..
డిగ్రీ ఫైనల్ ఇయర్ చదువుతున్నప్పుడే ఒక సినిమాకి అసిస్టెంట్ డైరెక్టర్గా అవకాశం వచ్చింది. కానీ, కొవిడ్ వల్ల అది వర్కవుట్ కాలేదు. ఫైనల్ ఇయర్ పూర్తయ్యాక అదే కంపెనీలో వేరే సినిమాకి అసిస్టెంట్ డైరెక్టర్గా సైన్ చేశాను. ఆ అవకాశం కూడా కలిసిరాలేదు. కొవిడ్ తర్వాత ఎలాంటి సబ్జెక్ట్ బాగుంటుందని ఆలోచిస్తున్నప్పుడు అందరికీ నచ్చేలా ఫ్యామిలీ ఎంటర్టైనర్ అయితే బెటర్ అనిపించింది. కమల్ హాసన్ నటించిన ‘తెనాలి’ సినిమాకి సెకండ్ పార్ట్ కోసం నా దగ్గర ఒక ఐడియా ఉందని ఆ ప్రొడక్షన్ కంపెనీకి చెప్పాను. ఆ సబ్జెక్ట్ని డెవలప్ చేయడం మొదలుపెట్టాను. అలా ఒక ఫ్యామిలీని ఊహించి కథ రాశాను.
ఆ టైంలోనే ‘మిలియన్ డాలర్ లవర్’ అనే సినిమా చూశాను. లవ్ చేసి పెండ్లి చేసుకోవడం అనేది అంత ఈజీ కాదు. ఇవన్నీ దృష్టిలో పెట్టుకుని రాసుకున్న స్టోరీ లైన్ని మెయిల్ చేశాను. అది చూసి నెరేషన్ ఇవ్వమని అడిగారు. స్టోరీ విన్నాక వాళ్లకు బాగా నచ్చడంతో డైరెక్టర్గా చాన్స్ ఇచ్చారు. అలా నేను రాసుకున్న కథతో డైరెక్టర్గా మారాను. అదే ‘టూరిస్ట్ ఫ్యామిలీ’. కొత్త పాయింట్తో సినిమా తీశాం, ఆడియెన్స్కి నచ్చుతుంది అనుకున్నాం. కానీ ఇంత గొప్ప రెస్పాన్స్ వస్తుందని మాత్రం అస్సలు ఊహించలేదు.
ఫిల్మ్ డైరెక్షన్ గురించి..
‘టూరిస్ట్ ఫ్యామిలీ’ తీసేటప్పటికి నా వయసు 25 ఏండ్లు. కానీ ఇంతకంటే ముందే నేను డైరెక్టర్ అవ్వాల్సి ఉంది. ఎందుకంటే ఫైనల్ ఇయర్లో ఉన్నప్పుడే నేను ఫిక్స్ అయ్యాను. అప్పటికే అసిస్టెంట్ డైరెక్టర్గా మూవీకి సైన్ చేశాను కాబట్టి నేను ఒక ఆఫీస్ పెట్టుకోవాలనుకున్నా. మా అమ్మ కోసం ఒక సినిమా తీయాలి అనుకున్నాను. కానీ కొవిడ్ వల్ల అవన్నీ ఆగిపోయాయి. నిజానికి అప్పుడు నేను తీయాలనుకున్న జానర్ ఇది కాదు.
అయితే, నేను కథ రాయగలను, డైరెక్షన్ చేయగలను. కానీ సెట్లో ఎంతోమంది ఆర్టిస్ట్లు, టెక్నీషియన్లు ఉంటారు. వాళ్లందర్నీ మేనేజ్ చేస్తూ సినిమా తీయడం పెద్ద టాస్క్. పైగా అందులో సీనియర్ ఆర్టిస్ట్లు ఉంటారు. వాళ్లకు సీన్ చెప్పి దానికి తగ్గట్టు యాక్ట్ చేసేలా సరిగ్గా కమ్యూనికేట్ చేయాలి. ఇవన్నీ ఎలా హ్యాండిల్ చేయగలం అని అనుకున్నాను. అయితే, శశికుమార్ వచ్చాక చాలా కంఫర్టబుల్గా ఫీలయ్యాను. ఎందుకంటే ఆయన సెట్లోకి రాగానే గౌరవంతో అంతా సైలెంట్ అయిపోతారు. అలా సెట్ వైబ్ అంతా మారిపోతుంది. దాంతో నాకు షూటింగ్ చేయడం ఈజీ అయింది.
►ALSO READ | Vishwak Sen: సలార్ మ్యూజిక్ డైరెక్టర్కి విశ్వక్ రోలెక్స్ గిఫ్ట్.. వాచ్ ఖరీదు తెలిస్తే అవాక్కే!
‘టూరిస్ట్ ఫ్యామిలీ’ తీశాక నేను ఎక్కడెక్కడ మిస్టేక్స్ చేశానో చూసుకున్నాను. వాటి నుంచి ఎంతో నేర్చుకున్నాను. డైరెక్షన్, యాక్టింగ్ రెండూ కంటిన్యూ చేయాలనుకుంటున్నా. నేను డిప్రెషన్లో ఉన్నప్పుడు నాకు హై ఇచ్చేది సినిమాలే. ఆ టైంలో చాలామందికి నచ్చిన సినిమాలు చూస్తే వచ్చే ఫీలింగ్ ఎందులోనూ రాదు అనిపిస్తుంది. ఫ్యూచర్లో ఒకేలాంటి సినిమాలు కాకుండా అన్ని వయసుల వాళ్లకు నచ్చే సినిమాలు చేయాలనుంది.
రజినీకాంత్ అలా చెప్పగానే..
నేను డైరెక్ట్ చేసిన మొదటి సినిమా టూరిస్ట్ ఫ్యామిలీ సక్సెస్ మరువక ముందే లీడ్ యాక్టర్గా అవకాశం వచ్చింది. అన్నీ చాలా ఫాస్ట్గా జరిగిపోతున్నట్టు అనిపించింది. ఆ సినిమాకి నేను డైరెక్టర్ని కాబట్టి యాక్టింగ్ మీద పెద్దగా దృష్టి పెట్టలేదు. కానీ, ఇక్కడ ఆ కంఫర్ట్ దొరికింది. ‘విత్ లవ్’లో లీడ్ రోల్లో కనిపించాను. నా కో- డైరెక్టర్ మదన్ టూరిస్ట్ ఫ్యామిలీకి ముందే నాకు ఈ స్టోరీలైన్ చెప్పాడు. నాకు చాలా బాగా నచ్చింది. కొన్ని పేర్లు చెప్పాడు. కానీ, తిరిగి మళ్లీ నా దగ్గరకే వచ్చాడు. కానీ నేను అప్పుడు సీరియస్గా తీసుకోలేదు.
Thalaivar With Love 🥹♥️ pic.twitter.com/ahNgJTHTgd
— Abishan Jeevinth (@Abishanjeevinth) February 10, 2026
టూరిస్ట్ ఫ్యామిలీ రిలీజ్ అయ్యాక మళ్లీ నన్ను కలిసి పూర్తిగా కథ చెప్పాడు. నాకు బాగా నచ్చింది. కాకపోతే నామీద నాకు డౌట్ ఉంది. యాక్సెప్ట్ చేస్తే నేను తెరపై కనిపించాలి అని ఆలోచిస్తున్నప్పుడు సౌందర్య రజినీకాంత్, ప్రొడ్యూసర్ మగేశ్కి కథ వినిపించాం. అప్పటికే నేను యాక్టర్గా లాంచ్ అవుతున్నానని కన్ఫర్మ్ చేశారు. అన్నీ అలా కుదురుతున్నాయి కానీ నేను మాత్రం యాక్టర్గా యాక్సెప్ట్ చేయలేదు.
నేను చెప్పకుండానే ఒక న్యూస్ బయట లీక్ అయింది. నెగెటివ్ కామెంట్స్ వచ్చాయి. దాంతో నేను ఇంకాస్త వెనక్కి తగ్గా. కానీ సూపర్స్టార్ రజినీకాంత్గారు నాకు ఫోన్ చేసి ‘నువ్వు హీరో మెటీరియల్’ అనగానే నాకు ఎక్కడలేని బలం వచ్చింది.
🎥 🍿 WITH LOVE:
— Raghu Rajaram (@RaghuTweetzX) February 16, 2026
A refreshing tale of nostalgia, relationships and moving on. Even though the audience know what will happen at the end (as it’s evident from all posters) the events are interestingly executed to keep us engaged along with the breezy scores by @RSeanRoldan… pic.twitter.com/xyw7pYP4jf
