- ఒక్కో యూనిట్ లో 37 రకాల ఇంప్లిమెంట్స్
- యూనిట్కాస్ట్ రూ. 50 లక్షలు.. సబ్సిడీ రూ. 20 లక్షలు
- ఎఫ్ పీవోలు, ఎస్ హెచ్ జీలు, ప్యాక్స్ లకే ఛాన్స్
- ఫామ్ మెకనైజేషన్కు మరింత ఊతం
మంచిర్యాల, వెలుగు: అద్దెకు యంత్ర పరికరాలను ఇస్తూ వ్యవసాయ యాంత్రీకరణకు ఊతమిచ్చే చర్యలను ప్రభుత్వం ముమ్మరం చేసింది. రాష్ర్టీయ కృషి వికాస్ యోజన (ఆర్కేవీవై)లో భాగంగా సబ్- మిషన్ ఆన్ అగ్రికల్చర్ మెకనైజేషన్ (ఎస్ఎంఏఎం) కింద కొత్తగా కస్టమ్ హైరింగ్ సెంటర్ల(సీహెచ్సీ)లను శాంక్షన్ చేసింది. రాష్ర్టవ్యాప్తంగా హైదరాబాద్ మినహా మిగిలిన 32 జిల్లాలకు 360 సీహెచ్సీలు మంజూరయ్యాయి.
వ్యవసాయ యాంత్రీకరణ పరిధిని విస్తరించడం ద్వారా చిన్న, సన్నకారు రైతులకు యంత్ర పరికరాలను అందుబాటులోకి తీసుకురావడం, సాగులో వేగం పెంచడం, ఖర్చులను తగ్గించడమే సర్కారు లక్ష్యం. ఇప్పటికే రాష్ర్టంలోని పలుచోట్ల సీహెచ్సీలు సక్సెస్ఫుల్గా రన్ అవుతున్నాయి. మార్కెట్ రేట్ల కంటే తక్కువ ధరలకే యంత్ర పరికరాలను రెంట్కు ఇస్తూ రైతులకు అండగా నిలుస్తున్నాయి.
ఎఫ్పీవోలు, ఎస్హెచ్జీలు, ప్యాక్స్లకే ఛాన్స్
ఫార్మర్ ప్రొడ్యూసర్స్ ఆర్గనైజేషన్స్(ఎఫ్పీవో), సెల్ఫ్ హెల్ప్ గ్రూపులు, ప్రాథమిక వ్యవసాయ సహకార సంఘాల(పాక్స్)లకు మాత్రమే సీహెచ్సీలను కేటాయించింది. యూనిట్ కాస్ట్ రూ.50 లక్షలు కాగా, ఇందులో 40 శాతం లేదా, గరిష్ఠంగా రూ.20 లక్షల సబ్సిడీ లభిస్తుంది. కిసాన్ డ్రోన్ సీహెచ్సీలకు ప్రాథమిక, అనుబంధ ఖర్చులో రూ.5లక్షలు లేదా 50 శాతం సబ్సిడీ వర్తిస్తుంది. ఇందుకోసం 2026-–27 ఆర్థిక సంవత్సరంలో రూ.69.36 కోట్ల బడ్జెట్ను ప్రభుత్వం కేటాయించింది.
కనీసం మూడు సంవత్సరాలు కంటిన్యూగా పనిచేస్తూ, పొదుపుతో పాటు బ్యాంకు లావాదేవీలు సక్రమంగా నిర్వహిస్తున్న సంఘాలకు సీహెచ్సీల కేటాయింపులో ప్రాధాన్యత ఉంటుంది. గత మూడేండ్ల కాలంలో ఇతర స్కీమ్ల కింద సీహెచ్సీలను పొంది ఉండరాదు. దీనికి నోడల్ ఏజెన్సీ అయిన హాకా యంత్ర పరికరాల రేట్లను నిర్ణయిస్తుంది. జిల్లా లెవల్ సెలక్షన్ కమిటీకి కలెక్టర్ చైర్మన్, జిల్లా అగ్రికల్చర్ ఆఫీసర్ కన్వీనర్ కాగా, డాట్ సెంటర్ లేదా కేవీకే సైంటిస్ట్, లీడ్ బ్యాంక్ జిల్లా మేనేజర్, జిల్లా కో ఆపరేటివ్ ఆఫీసర్, డీఆర్డీఏ ప్రాజెక్టు డైరెక్టర్, సంఘాల నుంచి ఒక నామినేటెడ్ మెంబర్, ఆదర్శ రైతు సభ్యులుగా వ్యవహరిస్తారు.
ఏ జిల్లాకు ఎన్ని..
రాష్ర్టవ్యాప్తంగా 360 సీహెచ్సీలకు గాను ఆదిలాబాద్ 8, భద్రాద్రి కొత్తగూడెం 10, హనుమకొండ 10, జయశంకర్ భూపాలపల్లి 8, జోగులాంబ గద్వాల 9, జగిత్యాల 11, జనగామ 9, కుమ్రం భీమ్ ఆసిఫాబాద్కు 14 సెంటర్లు మంజూరయ్యాయి. కామారెడ్డి 10, కరీంనగర్ 10, ఖమ్మం 20, మహబూబాబాద్ , మహబూబ్నగర్ 18, మంచిర్యాల 9, మెదక్ 18, మేడ్చల్ 3, ములుగు 12, నాగర్కర్నూల్ 15, నల్గొండ 17, నారాయణపేట్ 20 సీహెచ్సీలు రానున్నాయి.
నిర్మల్ 5, నిజామాబాద్ 16, పెద్దపల్లి 10, రాజన్న సిరిసిల్ల 9, రంగారెడ్డి 5, సంగారెడ్డి 10 సెంటర్లు ఏర్పాటు కానున్నాయి. సిద్దిపేట 13, సూర్యాపేట 14, వికారాబాద్ 11, వనపర్తి 8, వరంగల్ 10, యాదాద్రి భువనగిరి 12 సెంటర్లను ప్రభుత్వం శాంక్షన్ చేసింది.
యంత్ర పరికరాలు ఇవే....
సీహెచ్సీలలో దాదాపు 37 రకాల యంత్ర పరికరాల అందుబాటులో ఉంటాయి. పవర్ టిల్లర్, వీడర్, డిస్క్ ఫ్లౌ, కల్టివేటర్, లెవలింగ్బ్లేడ్, రొటోవేటర్, రోటో పడ్లర్, రివర్సబుల్ ఎంబీ ఫ్లౌ, సబ్ సాయిలర్, బండ్ఫార్మర్ వంటి ల్యాండ్ డెవలప్మెంట్, టిల్లేజ్ఎక్విప్మెంట్లు, సీడ్ కమ్ ఫర్టిలైజర్ డ్రిల్, మల్టీ క్రాప్ప్లాంటర్, రైజ్డ్బెడ్ప్లాంటర్, పోస్ట్ హోల్ డిగ్గర్, ప్లాస్టిక్మల్చ్లేయింగ్ మిషన్, ఫర్టిలైజర్ బ్రాడ్కాస్టర్, రిడ్జ్ ఫరో ప్లాంటర్వంటి సోయింగ్, ప్లాంటింగ్, ఫర్టిగేషన్ఎక్విప్మెంట్స్, ఇంటర్ కల్టివేషన్ పరికరాలైన గ్రాస్, వీడ్ స్లాషర్, పవర్ వీడర్, ప్లాంట్ప్రొటెక్షన్కు వినియోగించే స్ప్రేయర్లు, కిసాన్ డ్రోన్లు, హార్వెస్టింగ్యంత్రాలు, టర్మెరిక్ బాయిలర్, పాలిషర్, ప్యాడీ డ్రయర్, టెలిస్కోపిక్ హార్వెస్టింగ్పోల్స్ రెంట్ లభిస్తాయి.
