పంజాగుట్ట, వెలుగు: ప్రొఫెసర్ జయశంకర్ వ్యవసాయ విశ్వవిద్యాలయం వీసీ ప్రొఫెసర్జానయ్య తనను లైంగికంగా వేధిస్తున్నాడని అసిస్టెంట్ ప్రొఫెసర్ తేజశ్రీ ఆరోపించారు. హైదరాబాద్లోని సోమాజీగూడ ప్రెస్ క్లబ్లో శనివారం ఆమె విలేకరులతో మాట్లాడారు. ఈ ఏడాది జనవరి 1న తాను పీహెచ్డీ డిప్యుటేషన్ పొడిగింపు అనుమతి కోసం వీసీ వద్దకు వెళ్తే అనుచితంగా ప్రవర్తించడమే కాకుండా లైంగిక వేధింపులకు గురిచేశారన్నారు.
అర్ధరాత్రి ఫోన్ కాల్స్ చేస్తూ, వ్యక్తిగతంగా తనను కలవాలని, భర్తను వదిలి తనతో ఉండాలని ఒత్తిడి చేస్తున్నారని ఆవేదన వ్యక్తం చేశారు. ఈ విషయమై ఉన్నతాధికారులకు ఫిర్యాదు చేసినా స్పందన లేకపోవడంతో మీడియాను ఆశ్రయించాల్సి వచ్చిందన్నారు. ప్రభుత్వం స్పందించి, న్యాయం చేయాలని కోరారు.
ఆమెవి అసత్య ఆరోపణలు..
అసిస్టెంట్ ప్రొఫెసర్తేజశ్రీని బదిలీ చేసినందునే కక్షగట్టి వీసీపై అసత్య ఆరోపణలు చేస్తున్నారని వర్సిటీ టీచింగ్, నాన్ టీచింగ్ సంఘాల నాయకులు అన్నారు. సోమాజీగూడ ప్రెస్క్లబ్లో ప్రొఫెసర్లు భార్గవి, హేమలత, మాధవీలత, శంకర్లు మీడియాతో మాట్లాడారు.
వీసీ యూనివర్సిటీలో ఉద్యోగులు, విద్యార్థుల సంక్షేమం కోసం పలు సంస్కరణలు తీసుకొచ్చారని, ఇందులో భాగంగా దీర్ఘకాలికంగా విధులు నిర్వహిస్తున్న ఉద్యోగులను ట్రాన్స్ఫర్చేశారని పేర్కొన్నారు. ఈ ఘటనపై విచారణ జరిపి, తప్పుడు ఆరోపణలు చేసిన వారిని శిక్షించాలని డిమాండ్ చేశారు.
