- నిందితుల్లో నలుగురు మైనర్లు
పంజాగుట్ట, వెలుగు: బిగ్‌ బాస్‌ సీజన్‌– 7 ఫైనల్‌ సందర్భంగా ఈ నెల 17న అన్నపూర్ణ స్టూడియో వద్ద జరిగిన ఘర్షణల్లో ఆర్టీసీ బస్సులను ధ్వంసం చేసిన 12 మందిని పోలీసులు అరెస్ట్ చేశారు. వీరిలో నలుగురు మైనర్లు ఉండగా, వారిని జువైనల్‌ కోర్టులో హాజరుపరిచారు. అరెస్టయిన వారిలో భూపతి బాలకృష్ణ(28), జి.మోహన్ కుమార్(28), భూపతి రాఘవేందర్ (25), డి.రంజిత్ కుమార్(22), మోలవల గణేశ్‌(21), ధర్మపురి రోహిత్ (24), సరల రాఘవ (23), పి.సురేందర్ (20), రాపంత్ నవీన్ (19), ఎ.అరుణ్ (18), ధర్మపురి ఏసురత్నం(20), ఇదుమల్ల మహేశ్‌(19) ఉన్నారు. ఆర్టీసీ బస్సుల ధ్వంసం కేసులో వీరిని అరెస్ట్ చేసి, రిమాండ్‌కు పంపామని ఇన్‌స్పెక్టర్ రవీంద్ర ప్రసాద్ తెలిపారు.
