పద్మారావునగర్, వెలుగు: డాక్టర్లపై దాడులను అరికట్టాలని సికింద్రాబాద్గాంధీ ఆసుపత్రి తెలంగాణ ప్రభుత్వ వైద్యుల సంఘం(టీజీజీడీఏ) గాంధీ ఆసుపత్రి యూనిట్డిమాండ్ చేసింది. మహబూబాబాద్ సూపరింటెండెంట్ డాక్టర్శ్రీనివాస్పై జరిగిన దాడిని ఖండించింది. ఈ సందర్భంగా ఏర్పాటు చేసిన సమావేశంలో టీజీజీడీఏ గాంధీ యూనిట్ప్రెసిడెంట్ డాక్టర్భూపేందర్సింగ్ రాథోడ్మాట్లాడారు. దాడి ఘటనకు బాధ్యులైన వారిపై తక్షణమే చర్యలు తీసుకోవాలన్నారు.
డాక్టర్లు ప్రతీ రోగి ప్రాణాన్ని కాపాడేందుకే కృషి చేస్తారని, ఎవరూ ఉద్దేశ్యపూర్వకంగా హాని తలపెట్టబోరని అన్నారు. డాక్టర్లపై హింసాత్మక చర్యలు సమాజానికి మంచిది కాదన్నారు. సమావేశంలో టీజీజీడీఏ గాంధీ యూనిట్ సెక్రటరీ జనరల్ డాక్టర్ అబ్బయ్య , కోశాధికారి డాక్టర్ రవి, రాష్ట్ర నాయకులు డాక్టర్ మురళి, డాక్టర్ కళ్యాణ్, డాక్టర్ వెంకటమణి, డాక్టర్ సుబోధ్, డాక్టర్ రాజేశ్ పాల్గొన్నారు.
