హైదరాబాద్: ‘కలయిక ఫౌండేషన్’ ఆధ్వర్యంలో అంతర్జాతీయ స్థాయిలో ఎన్టీఆర్ క్యారికేచర్, కవితల పోటీలు నిర్వహించగా.. క్యారికేచర్ విభాగంలో వీ6 వెలుగు కార్టూనిస్టు జె.వెంకటేశ్ (జేవీ)కు ప్రత్యేక బహుమతి లభించింది. ఈ పోటీలకు 60 దేశాల నుంచి ఎంట్రీలు వచ్చాయి. గతంలోనే నందమూరి బాలకృష్ణ విజేతలను ప్రకటించగా, ఆదివారం హైదరాబాద్లో అవార్డుల ప్రదానోత్సవ కార్యక్రమం జరిగింది.
నటుడు రాజేంద్రప్రసాద్ ముఖ్య అతిథిగా హాజరై బహుమతులు అందజేశారు. రెండు విభాగాల్లో మొదటి స్థానంలో నిలిచిన వారికి రూ.లక్ష చొప్పున ఇచ్చారు. మిగతా విజేతలకు రూ.5 లక్షల నగదు అందజేశారు.
