హైదరాబాద్, వెలుగు: ప్రభుత్వ రంగ బ్యాంకుల్లో ఒకటైన బ్యాంక్ ఆఫ్ మహారాష్ట్ర(బీవోఎం) సిటీలో మరో కొత్త బ్రాంచ్ను ప్రారంభించింది. బుధవారం బ్యాంక్ ఆఫ్ మహారాష్ట్ర ఎగ్జిక్యూటివ్ డైరెక్టర్ రోహిత్ రిషి హయత్ నగర్ బ్రాంచ్ను ఓపెన్ చేశారు. ఈ సందర్భంగా ఆయన మాట్లాడుతూ.. హైదరాబాద్ సిటీలో కొత్త బ్రాంచ్ను ప్రారంభించడం చాలా సంతోషంగా ఉందన్నారు. ఈ బ్రాంచ్తో మా కస్టమర్లకు మరింత దగ్గరవుతున్నామన్నారు.
బ్యాంకింగ్ రంగంలో బీవోఎం సేవలకు గాను పలు అవార్డులు వచ్చాయన్నారు. తెలంగాణలోని 33 జిల్లాల్లో బీవోఎంకు 64, దేశంలో మొత్తం 2,200 బ్రాంచ్లున్నాయని రోహిత్ పేర్కొన్నారు. దాదాపు 30 మిలియన్ల కస్టమర్లకు బీవోఎం సేవలందిస్తోందన్నారు. బ్రాంచ్ ఓపెనింగ్కు వచ్చిన ప్రముఖులకు, కస్టమర్లకు హయత్ నగర్ బ్రాంచ్ మేనేజర్ ప్రియాంక ధన్యవాదాలు తెలిపారు. కార్యక్రమంలో హైదరాబాద్ జోన్ జోనల్ మేనేజర్ సుశాంత్ గుప్తా, డిప్యూటీ జోనల్ మేనేజర్ మహ్మద్ షజీబ్ పాల్గొన్నారు.
