- గణేశుని మండపాలన్నీ మందిరాలవుతయ్
- ట్యాంక్బండ్పై ఆందోళన
- గ్రిల్స్ తొలగించే యత్నం
- అరెస్ట్ చేసిన పోలీసులు
ముషీరాబాద్, వెలుగు: ప్రశాంత వాతావరణంలో జరుగుతున్న గణేశ్ఉత్సవాలకు ఆంక్షలు పెడితే ఊరుకునే ప్రసక్తే లేదని భాగ్యనగర్ గణేశ్ఉత్సవ సమితి హెచ్చరించింది. ట్యాంక్ బండ్ వద్ద నిమజ్జనానికి ఏర్పాట్లు చేయకపోతే వినాయకుని మండపాలన్నీ మందిరాలవుతాయని హెచ్చరించారు. సోమవారం సమితి ప్రతినిధులు ట్యాంక్ బండ్ పై నిరసన తెలిపారు.
ప్రభుత్వానికి, పోలీసులకు వ్యతిరేకంగా నినాదాలు చేసి హుస్సేన్ సాగర్ రెయిలింగ్కు ఏర్పాటు చేసిన గ్రిల్స్ ను తొలగించే ప్రయత్నం చేశారు. దీంతో పోలీసులు వారిని అరెస్ట్చేసి, గాంధీనగర్ ఠాణాకు తరలించారు. ఈ సందర్భంగా ఉత్సవ సమితి ప్రతినిధులు శశిధర్, ఆలె భాస్కర్, శివాజీ, వినయ్, వైకుంఠం, మహేందర్, శక్తిసింగ్ మాట్లాడుతూ.. ప్రతీ సంవత్సరం చేస్తున్నట్లుగానే ఈసారీ ట్యాంక్ బండ్వద్ద గణేశ్నిమజ్జనానికి ఏర్పాట్లు చేయాల్సింది పోయి హుస్సేన్ సాగర్ చుట్టూ కంచె పెట్టి అడ్డుకోవడం ఏంటని ప్రశ్నించారు.
