హుజూరాబాద్‌లో కాంగ్రెస్ పార్టీ ఓట్లు బీజేపీకి పడ్డాయనడం సరైంది కాదన్నారు బీజేపీ నేత విజయశాంతి. కాంగ్రెస్ మొత్తం ఓట్లు TRSకు వెయ్యడం కారణంగానే ..అధికార పార్టీ 24 వేల పైచిలుకు ఓట్లతో మాత్రమే ఓడిందన్నారు. అలా కాకుండా కాంగ్రెస్ ఓట్లు ఆ పార్టీ అభ్యర్థికే వేసి ఉంటే TRS కచ్చితంగా 75 వేల ఓట్ల పైన తేడాతో ఓడి ఉండేదన్నారు. కేసీఆర్ పట్ల ప్రజల్లో ఆ స్థాయి వ్యతిరేకత ఉందని టీఆరెస్ నేతలు ఇంకా గుర్తించకపోవడం వారి అమాయకత్వమన్నారు.
TRS అంతర్గత వ్యవహారమే అయినా... ఈ సీఎం హామీలు, పిచ్చి పిచ్చి మాటలపై ప్రజల్లో పూర్తిగా నమ్మకం పోయి కామెడీగా తీసుకుంటున్నారని ఆ పార్టీ నేతలే మాట్లాడుకుంటున్నట్లు తెలుస్తోందన్నారు. అంతేకాదు..కేటీఆర్‌కు బాధ్యతలు అప్పగిస్తే పరిస్థితి కొంత బాగుపడే అవకాశం ఉండవచ్చని నిన్నటి నుంచి వార్తలు ఎక్కువగా విన్పిస్తున్నాయని తెలిపారు విజయశాంతి.
